San Mateo 16:21 - Nuevo Testamento Tzeltal de Amatenango

²¹ Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

Bible in Tzeltal Bachajón

²¹ Ha nix ta yorahil a hahch yalbe ya'iyic te jnopojeletic yu'un te ya me xbaht ta Jerusalén soc te ya xc'ax swocol yu'un te mamaletic soc te principal sacerdotehetic soc te escribanohetic, ya me yich' milel, soc ya xcha'cuxaj ta yoxebal c'ahc'al.

Bible in Tzeltal de Oxchuc y Tenejapa

²¹ Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

San Mateo 16:21 Referans Kwoze

San Mateo 17:12

Pero ya kalbeyex te xtalukix te jꞌEliase. Maꞌ snaꞌbeyik sba te genteetike. Jicha kꞌax swokol yuꞌunik chikan te tuti skꞌan a spasbeyike. Jich euk te Nichꞌanile ya me xkꞌax swokol ta skꞌabik euk —xchi te Jesuse.

San Mateo 27:63

Jich a yalbeyik: —Ajwalil, ya to jnaꞌtik te la yal te jloꞌlawaneje: “Ya xchaꞌkuxon tal ta yoxebal kꞌaal” xchi te kꞌalal kuxul to aye.

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Lucas 17:25

Pero nail ya xkꞌax bayal swokol, sok pꞌajbil me ya xkꞌot yuꞌun te genteetike te kuxajtik te ora to.

San Lucas 24:46

Y la yaltalanbe: —Jich tsꞌibabil jilel te puersa ya xkꞌax jwokol joꞌon te Cristoone, y ya xchaꞌkuxon tal ta yoxebal kꞌaal.

San Marcos 8:31

Te Jesuse lijk snojpeslan te jnopojeletike te ya xkꞌax bayal swokole. Jich a yalbe: —Te Nichꞌanile ya me xkꞌax bayal swokol. Ya me spꞌajik te mamaletike sok te statal-saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux ta yoxebal kꞌaal —xchi te Jesuse.

San Lucas 9:31

Joybil ta stsaꞌamul xojob. Yipalik ta yaꞌbiyanel te tutꞌil ya xkꞌax swokol ta lajel te ba Jerusalen te Jesuse.

San Mateo 26:47

Yipal to ta kꞌop a te Jesuse, tal te Judase, te jtul ta xlajchaytulul te jnopojeletik yuꞌun te Jesuse. Sjoyinej tal bayal genteetik te chapajtik sok spuñalik sok steꞌik. Jaꞌ tikonlanbil tal yuꞌun te statal-saserdoteetik sok te moletik yuꞌun te juriyoetike.

San Mateo 26:2

—Anaꞌojbeyik sluwar te cheb xanix kꞌaal skꞌan te skꞌin Pascuae. Te Nichꞌanile ya me xꞌakꞌot ta entregal, yuꞌun ya me xmilot ta krus —xchi.

San Mateo 27:12

Pero te kꞌalal yipalik ta yalel te tut smulinej ta skꞌopik te statal-saserdoteetik sok te moletik, ni jpꞌaluk a sjakꞌ te Jesuse.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Mateo 12:40

Jich te Jonase anin ta xchꞌujt mukꞌul chay oxeꞌ kꞌaal sok oxeꞌ ajkꞌubal. Jaꞌ jich euk te Nichꞌanile ya me xmujk oxeꞌ kꞌaal sok oxeꞌ ajkꞌubal.

San Mateo 16:22

Jich te jPedroe la spit bael chꞌinuk te Jesuse, jicha ba yalbe: —Kajwal, manchuk jichuk ya skꞌan te Diose. Manchuk ya xkꞌot ta pasel ta akuenta —xyut.

San Mateo 17:9

Te kꞌalal yipalik tal ta koel te ba witse te Jesuse la stsitstalan te jnopojeletik yuꞌune. Jich a yal: —Ma me machꞌa xꞌawalbeyik te tuti akꞌot awilike jaꞌ to teme chaꞌkux tal Nichꞌanile —xchi.

San Mateo 28:6

Ma liꞌ ayukix to. Chaꞌkuxemix bael, jich tutꞌil te la yale. Laꞌ, ilawilik te ba la yakꞌik jilel te stiꞌbalule.

San Marcos 9:12

La sjakꞌ tsꞌin te Jesuse: —Jich te jaꞌ nail ya xtal te Eliase, yuꞌun stukel ya xchap spisil. Y tsꞌibabil jilel skꞌoplal ta Sjun Dios te Nichꞌanile te ya xkꞌax bayal swokol y ma xkꞌanote.