San Mateo 16:18 - Nuevo Testamento Tzeltal de Amatenango

¹⁸ Joꞌon ya kal te jaꞌat jPedroat, te pꞌej ton kꞌoemat te ya kakꞌ ipajuk a te jchꞌuuneletik kuꞌune. Te jchꞌuuneletik kuꞌune ma xjuꞌ te ya stsalot yuꞌun yip te lajele.

Bible in Tzeltal Bachajón

¹⁸ Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Bible in Tzeltal de Oxchuc y Tenejapa

¹⁸ Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

San Mateo 16:18 Referans Kwoze

Colosenses 1:18

Y sok xan te Cristoe jaꞌ jolol yuꞌun spisil te machꞌatik xchꞌuunejikixe. Stukel ay ta slijkibal, y stukel primero a chaꞌkux tal te ba ay te animaetike. Jich yuꞌun jaꞌ mukꞌ ay stukel yuꞌun spisil tutik aye.

San Juan 1:42

Te nax a te jꞌAndrese la yikꞌ bael te Simon te ba ay te Jesuse. Kꞌalal la yil te Jesuse, la yalbe: —Jaꞌat te Simon te xnichꞌanat Jonase. Pero Cefas abiil ya xkꞌoat —xyut. Te Cefas, “Pedro”, xchi kꞌoem abi.

Hebreos 12:28

Te joꞌotike ya xꞌakꞌot anukotik yuꞌun Dios te ba ma spas ta nikele. Ya kalbetik kola yal yuꞌun to, sok ya jkejan jbajtik ta stojol Dios. Tulanuk me skꞌoplal ta koꞌtantik te ya jkejan jbajtik te lek ya yile.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

1 Timoteo 3:15

yuꞌun teme maꞌ talon ta orae, jich me ya anaꞌ tutꞌ ya skꞌan xꞌaꞌtejat ta stojol te yuntikil te Diose, ja te hermanoetik yuꞌun te kuxul Diose, te jaꞌ ipajem a sok jaꞌ ya skoltay a te tut batsꞌi jiche.

Efesios 5:32

Jaꞌ to ben tulan skꞌoplal te mukul aye. Pero te joꞌone ya kal te jaꞌ skꞌoplal Cristo y sok te hermanoetike.

Efesios 3:10

Jich kꞌot ta pasel yuꞌun te ora to ta skuenta te juju-tijkꞌ hermanoetike, ta spisil te machꞌatik ay spoderik y ay yaꞌtelik ta chꞌulchan ya xkꞌo snaꞌik te tutꞌil ay bayal ta jkaj spꞌijil te Diose.

Apocalipsis 21:14

Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.

Hechos 8:1

Te Sauloe teꞌey ekꞌa, la yakꞌ sba ekꞌa te milot te jꞌEstebane. Te kꞌaal abi lijk ta jun gran tenel te hermanoetik te ayik ta Jerusalene. Spisilik a pujkejik bael te hermanoetik ta estadoetik yuꞌun Judea sok ta Samaria. Ja xanix a laj jil ta Jerusalen te apostoletike.

1 Timoteo 3:5

Porke teme ay jtuluk te ma snaꞌ xmantalaj ta snae, ¿tutꞌil kꞌan juꞌuk yuꞌun skanantayel te hermanoetik yuꞌun te Diose?

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

San Mateo 18:17

Teme ma skꞌan a yaꞌibe sluwar skꞌopik euk te jtul-chebe, albeya yaꞌiy spisil te hermanoetike. Teme ma skꞌan a yaꞌibe sluwar skꞌopik euk te hermanoetike, jich me aꞌ kꞌotuk awuꞌunik te tutꞌil machꞌa ma xchꞌuunejuk te Diose, sok jich tutꞌil te jkꞌan-tojemale.

San Mateo 11:23

Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

San Mateo 10:2

Jaꞌ sbiilik te lajchaytul jpuk-kꞌopetike: Te machꞌa naile jaꞌ te Simon te jPedro a kꞌot sbiile, sok te yijtsꞌine te jꞌAndres sbiile, sok te Jacobo sok te yijtsꞌin te Juan sbiile te xnichꞌnab Zebedeoe,

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

1 Corintios 15:55

Te jaꞌat lajel, ¿ba kꞌan juꞌuk xan awuꞌun a? Te jaꞌat mukenal, ¿tutꞌ kꞌan atsalon xan a?” xchi me.

San Mateo 4:18

Yipal bael ta beel a te Jesuse ta tiꞌtiꞌmar yuꞌun Galilea, la yil cheb winketik te jun smeꞌ statike. Simon sbiil te jtule y Andres sbiil te yitsꞌine. Jaꞌ yaꞌtelik te tsak-chaye, sok yipalik ta xchꞌojel ochel te stsajkil-xchayik te ba jaꞌe.

San Mateo 7:24

“Jaꞌ yuꞌun te machꞌa ya yaꞌiybon sluwaril te jkꞌope sok teme ya spas te tut kaloje, jachik tutꞌil jtul winik te ay spꞌijile. Te kꞌalal la spas sna, la sle pꞌej mukꞌul ton la slijkes a te snae.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.