San Mateo 15:30 - Nuevo Testamento Tzeltal de Amatenango

³⁰ Bayal gente la stsob sbaik tal te ba aye. Yikꞌojik kꞌoel koxoetik, sok choketik, sok umaꞌetik, sok machꞌatik mochꞌol skꞌab, sok bayal xan chameletik. La yakꞌik ta yok te Jesuse, spisil a slekuteslan.

Bible in Tzeltal Bachajón

³⁰ Bayel mach'atic talic ta stojol, la yic'ticlanic tal coxo'etic, ts'o'sitetic, uma'etic, nolc'abetic soc bayel yantic jchameletic, la ya'beyic ta ye'tal yoc te Jesús, te ha la slecubteslan.

Bible in Tzeltal de Oxchuc y Tenejapa

³⁰ Talic ta stojol tsobol ants-winiquetic tey a. Yic'ojic tel coxoetic, soc ma'sitetic, soc uma'etic, soc te jc'ojc'ol-c'abetic, soc yantic jchameletic. Tal yac'beyic ta stojol te Jesuse. Spisilic la yich'ic coltayel yu'un.

San Mateo 15:30 Referans Kwoze

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

San Marcos 9:43

Teme akꞌab ya yakꞌat ta mulile, boja lokꞌel. Jaꞌ mas lek te mokol akꞌab te ya xkꞌo ata te akuxlejale. Jaꞌ mas ma lekuk teme xchebal akꞌab te ya xbaat sok ta kꞌajkꞌ te ma xtupꞌ sbajtel kꞌinale,

San Lucas 14:13

Yan te kꞌalal ya apas kꞌine, jaꞌ me xꞌawikꞌ tal ta weꞌel te machꞌa maꞌyuk tut ay yuꞌune, sok te jtumu-kꞌabetike, sok te koxoetike, sok te choketike.