San Mateo 15:27 - Nuevo Testamento Tzeltal de Amatenango

²⁷ La yal te antse: —Jich Kajwal, pero te tsꞌiꞌetike ya sweꞌik te stsꞌubil yot te ya xchꞌay koel ta yanil xmexa te yajwale —xchi.

Bible in Tzeltal Bachajón

²⁷ Pero la yal te antse: Melel, Cajwal; pero te bic'tal ts'i'etic ya swe'ic te xeht'elul we'elil ya xch'ay cohel ta ye'tal smesa te yajwalique, xchi.

Bible in Tzeltal de Oxchuc y Tenejapa

²⁷ La yal te antse: —Jich nix a, Cajwal. Ja'uc me to, te alal ts'i'etique ya swe'ic te sts'ubil swaj ya xch'ay coel ta yanil smesa te yajwale —xi'.

San Mateo 15:27 Referans Kwoze

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

San Lucas 16:21

yoꞌtanuk ya skꞌan sweꞌ te stsꞌubil te tutik ya xtꞌuxaj koel ta xmexa te jkꞌuleje. Pero te tsꞌiꞌetike ya xtal lekꞌtalanbek yuꞌun te yejchꞌene.

Romanos 10:12

Ma yanuk kꞌoem te juriyoetike y sok te machꞌatik ma juriyouke; yuꞌun te Kajwaltike jaꞌ mismo ajwalil ta spisil. Y ma me pꞌisbiluk ya yaꞌbe bendision ta spisil te machꞌatik te ya xlokꞌ ta stiꞌ te sbiile.

Romanos 3:29

Te Diose ma jaꞌuk nax Dios yuꞌun te juriyoetike. Klaro chikan te jaꞌ Dios yuꞌun spisil euk te nasionetike.

San Lucas 18:13

“Pero te jkꞌan-tojemale jakal tekꞌel jilel stukel. La snijan sba ta stojol Dios. Ma skꞌan a xjach moel sit stukel. La smajulan stiꞌ yoꞌtan ta ajtal oꞌtan, y jich a yal: “Dios kuꞌun, pasbon perdon te jmulawilon ta atojole”, xchi.

San Mateo 8:8

Te statal-soltaroe la yal: —Kajwal, kꞌax chꞌin ayon ta atojol ya kaꞌi. Jich ma xjuꞌ te ya xbaat ta jnae. Jaꞌ nax teme ya awal mantale, jich me ya xkol te kaj-aꞌtele.

San Mateo 5:45

Jich me yal-xnichꞌanex ya xkꞌoex te jTatik te ay ta chꞌulchane. Jich pajal ya yakꞌ lokꞌuk tal kꞌajkꞌal ta stojol machꞌatik lek yoꞌtanik sok machꞌatik ma lekuk yoꞌtanik. Sok pajal ya yakꞌ tal jaꞌal ta stojol te machꞌatik toj ta genteile y sok machꞌatik ma tojuke.

Romanos 3:4

¡Maꞌuk! Ma jichuk. Te Diose jmel nax yaloj te tut batsꞌi jiche, aunke spisil winketik ya sleik lot. Yuꞌun jich ya yal te Sjun Diose: “Jamal me ya xchiknaj te batsꞌi jich te tut ya awale, y jich me ya xjuꞌ awuꞌun te kꞌalal ya awichꞌ chapele”, xchi me.

Efesios 3:19

Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Romanos 3:19

Jnaꞌojtik spisil te tut ya yal te sjunal mandaliletike jaꞌ ya yalbe te machꞌatik ayix ta skuentae, yuꞌun ma xjuꞌ ya smak sbaik ta kꞌop a spisil te genteetik te ayik ta balmilal te ya yichꞌ kastigo yuꞌun te Diose.

San Mateo 15:26

La sjakꞌ te Jesuse: —Ma lek te ya jpojbetik yot te untike te ya kaꞌbeyik sweꞌ te tsꞌiꞌetike —xchi.

San Mateo 15:28

La yal te Jesuse: —Ants, bayal tut xchꞌuunej awoꞌtan. Jich me ya xkꞌot ta pasel te tut ya skꞌan awoꞌtane —xchi. Y mismo tiempo a kol te yachꞌixe.

San Marcos 7:28

La sjakꞌ te antse: —Jich a nix a Kajwal. Pero te tsꞌiꞌetik te ay ta yanil mexae ya me sweꞌbe te stsꞌubil yot ya xchꞌay koel yuꞌun te untike —xchi.