San Mateo 15:12 - Nuevo Testamento Tzeltal de Amatenango

¹² Te jnopojeletik yuꞌun te Jesuse tijilajik tal ta stojol y la sjojkꞌobeyik: —¿Me la awil te fariseoetik te ilin yuꞌun te tut la awale? —xchiik.

Bible in Tzeltal Bachajón

¹² Ha yu'un nohpojic tal ta stojol te jnopojeletic, hich la sjoc'obeyic: ¿La bal ana' te ma lecuc la ya'iyic te fariseohetic c'alal hich la ya'iyic? xchihic.

Bible in Tzeltal de Oxchuc y Tenejapa

¹² Te jnopojeletic yu'un te Jesuse, noptsajic tel ta stojol. Jich la yalbeyic: —¿La bal awil te ilinic yu'un te fariseoetic te bila la awale? —xiic.

San Mateo 15:12 Referans Kwoze

Santiago 3:17

Pero te machꞌatik ay yuꞌun te pꞌijilil te ya xtal ta stojol te Diose, jaꞌ batsꞌi lek ay stukel. Jun yoꞌtanik y ay slekil yoꞌtanik, sok ay srason xlaj kꞌopojik. Sok ya xkꞌuxutaywanik, ma tsabiluk nax te machꞌa ya skoltay, sok ma xyanej yoꞌtanik, y jaꞌ ya spasik te tut leke.

Gálatas 2:5

Pero ni chꞌinuk a jchꞌuunbetik te tut ya sujotik aye. Porke jaꞌ ya jkꞌantik te batsꞌi jich te skꞌoplal kolel te jmel nax ay ta akuentaike.

2 Corintios 6:3

Ma me ayuk tut ma tsaꞌamuk ya kakꞌtik ta ilel ta skuenta te yane, yuꞌun ma me ayuk machꞌa ya yal te ma tsaꞌamuk te kaꞌteltike.

San Mateo 17:27

Pero yuꞌun ma me machꞌa ma lekuk ya yaꞌiy, baan ta tiꞌmar, chꞌoja ochel te awansueloe. Nita lokꞌel te chay te nail ya atsake. Jachꞌbeya te stiꞌe. Teꞌ me ya ata a te sejp takꞌin te ya xlokꞌ a te kuꞌune sok te awuꞌune. Ichꞌa bael, baan toja jilel —xchi te Jesuse.

San Mateo 11:6

Ben tsaꞌam slekil te machꞌa makꞌ xcheꞌbaj yoꞌtan kuꞌune —xyut bael te Jesuse.

San Mateo 15:11

Te tut ya xꞌoch ta stiꞌ te winike ma jaꞌuk ma tsaꞌamuk ya xkꞌot ta stojol Dios yuꞌun. Jaꞌ ma tsaꞌamuk ya xkꞌoex ta stojol Dios yuꞌun te tut ya xlokꞌ ta atiꞌike —xchi te Jesuse.

San Mateo 15:13

La yal te Jesuse: —Spisil te awaltsꞌunubil teme ma jaꞌuk la stsꞌun te jTat te ay ta chꞌulchane ya me xbulot lokꞌel.