San Mateo 14:6 - Nuevo Testamento Tzeltal de Amatenango

⁶ Te kꞌalal la sta skꞌaalel te lokꞌ ta jaꞌbil te Herodese, la spas kꞌin. Te yantsil-al te xHerodiase tal ajkꞌotajuk ta sit te machꞌatik majanlanbil yuꞌune. Te Herodese bayal a skꞌupin te tutꞌil a ajkꞌotaj te achꞌixe.

Bible in Tzeltal Bachajón

⁶ Pero te c'alal la spasbeyic sq'uin yu'un loc' ya'bilal te Herodes, te yantsil-al te Herodías la ya'iy ahc'ot ta stojolic, bayel la smulan te Herodes.

Bible in Tzeltal de Oxchuc y Tenejapa

⁶ Te c'alal la sta sc'aalelal te loc' ja'wil ya'wilal te Herodese, la spas q'uin a. Te yantsil-al te Herodiase tal yaiy ajc'ot ta stojol te mach'a ic'bilic ta we'el-uch'ajele. Te Herodese bayal la smulan te bit'il ajc'otaj te ach'ixe.

San Mateo 14:6 Referans Kwoze

San Marcos 6:17

Te Herodese la yakꞌ ta tsakel ta nail to te Juane y la yakꞌ ta chukel ta kadena ta yutil prexo. Jaꞌ la spas ta skaj te Herodiase te jaꞌ yinam te Felipe te yitsꞌin te Herodese. Te Herodese la yikꞌ sba sok te antse.

San Mateo 22:24

—Maestro, la yal jilel te Moisese: “Teme cham jtuluk winik te maꞌyuk jil xnichꞌane, teme maꞌyuk jilel yuntikil soke, aꞌ me yikꞌ yinamin te yijtsꞌine, yuꞌun jich me ay stsꞌumbal ya xkꞌot a te anima-sbankile”, xchi me.

San Lucas 3:19

Sok la yalbe ta jamal smul te gobierno Herodese, yuꞌun la yikꞌ yinamin te yinam yijtsꞌin Felipee, te xHerodias sbiile. Sok la yalbe spisil te tutik ma tsaꞌamuk spasoje.

San Marcos 6:19

Jich te Herodias ilin yuꞌun te tut la yal te Juane. Yoꞌtanuk nax kꞌan smil ta ora, pero maꞌ juꞌ yuꞌun.

San Mateo 14:3

Jich a yal, yuꞌun ayix kꞌaal te la stikon ta tsakel te Juane sok la yakꞌ ta chukel te prexo ta skaj te xHerodias, te yinam Felipe te jaꞌ yijtsꞌine.

San Mateo 14:7

Jich a yalbe: —Jamal ya kalbeyat ta stojol Dios, ya kaꞌbeyat chikan te tut ya akꞌanbone —xchi.

San Marcos 6:14

Te rey Herodes la yaꞌi te tut yipal ta yalel te Jesuse, yuꞌun pujkix skꞌoplal ta bayuk nax. La yal tsꞌin te Herodese: —Te Juan Akꞌichꞌjaꞌe chaꞌkuxemix tal. Jaꞌ yuꞌun ben bayalix spoder ta spasel milagro —xchi.

San Marcos 8:15

Te Jesuse la spas ta mantal: —Ila me awilik, ila me abaik sok te lebadura yuꞌun te fariseoetik sok te lebadura yuꞌun te Herodese —la yut.

San Lucas 3:1

Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

San Lucas 8:3

Sok te xJuanae te jaꞌ smamlal te jChuzae te jaꞌ yaj-kanan te jHerodese, sok te Susanae, sok ay to xan yan bayal antstik. Te tutik ay yuꞌun te antstike la yaꞌbeyik te Jesuse sok te apostoletike.

San Lucas 13:31

Jich mismo kꞌaal a ay fariseoetik a laj kꞌot y la yalbeyik te Jesuse: —Lokꞌan bael liye, yuꞌun te jHerodese yoꞌtanuk ya smilat —xchiik.

San Lucas 23:7

Te kꞌalal la yalik te teꞌ talem ae, te jPilato la stikon bael ta stojol jHerodes, te jaꞌ gobierno yuꞌun a te Galileae, yuꞌun talem ta Jerusalen ae.

San Lucas 23:11

Jich te jHerodese sok te soltaroetik yuꞌune la stseꞌlayik y la spꞌajik te Jesuse. Yuꞌun ya stseꞌlayik a te Jesuse, la slapbeyik kꞌuꞌul-pakꞌal te ben tsaꞌam ta ilel, jich tutꞌil te reye. Te nax a te jHerodese la stikon sujtel ta stojol te jPilatoe.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.

Hechos 12:1

Te tiempo abi te rey Herodese lijk yilbajin chaꞌoxtul te hermanoetik.