San Mateo 14:29 - Nuevo Testamento Tzeltal de Amatenango

²⁹ —Laꞌ —xchi te Jesuse. Jich a ko bael ta barko te jPedroe, lijk bael ta beel ta baba mar stojliyej bael te Jesuse.

Bible in Tzeltal Bachajón

²⁹ La', xchi sc'oblal. Hich loc' ta barco te Pedro, hahch ta behel ta ba ha', toj bahel ta banti ay te Jesús.

Bible in Tzeltal de Oxchuc y Tenejapa

²⁹ Te Jesús la yalbey: —La' me jiche —xi'. Jich loc' ta barco te Pedroe. Caj ta beel ta ba mar. Stojlinej bael te Jesuse.

San Mateo 14:29 Referans Kwoze

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

San Marcos 9:23

La yal te Jesuse: —¿Tut a te ma xjuꞌ kuꞌune? Te machꞌa ya xchꞌuune spisil ya xjuꞌ ta pasel —xchi.

Hechos 3:16

Te tutꞌil ayix spuersa yok te winik to te ya awilik te ya anaꞌbeyik sbae, jaꞌ ta xchꞌuunel-oꞌtanil ta skuenta te Jesuse. Te xchꞌuunel-oꞌtanil ta skuenta te Jesuse jaꞌ te batsꞌi la slekutesix te winike te tutꞌil tekꞌelix ta asitike.

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

Romanos 4:19

Ma chojp te xchꞌuunel yoꞌtan jꞌAbrahame, aunke ayix sien jaꞌbil a te yaꞌbilale, y la snaꞌix a te nopol ya xchamikix a sok te Sarae, yuꞌun lom mamal-meꞌelikix a ma trateukix ya xꞌalaj-xnichꞌnajik a.

San Mateo 21:21

Te Jesuse la sjakꞌtalanbe: —Jamal ya kalbeyex, teme ay xchꞌuunel awoꞌtanik te jich ya xkꞌot ta pasele sok teme makꞌ ya awal ta awoꞌtanik te ma jichuk ya xkꞌote, ya xkꞌot ta pasel awuꞌunik te tutꞌil la jpasbe te ikuxe. Sok jich ya xkꞌot ta pasel awuꞌunik euk teme ya awalbeyik te wits to: “Lokꞌan bael liye, chꞌoja aba ochel ta mar”, teme ya awute.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Mateo 14:28

La yal te jPedroe: —Kajwal, teme jaꞌate, ala mantal te ya xbeenon tal ta baba jaꞌ te ba ayate —xchi.

San Mateo 14:30

Pero la yil te ben tulan te ikꞌe, tal xiꞌel ta yoꞌtan yuꞌun. Lijk mulek koel ta jaꞌ. Lijk awunuk: —¡Tsakaon Kajwal! —xchi.