San Mateo 14:27 - Nuevo Testamento Tzeltal de Amatenango

²⁷ Te Jesuse la skꞌoponlan ta ora: —Ayuk spuersa awoꞌtanik. Joꞌon ya awile, ma xiꞌanik —xchi.

Bible in Tzeltal Bachajón

²⁷ Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

Bible in Tzeltal de Oxchuc y Tenejapa

²⁷ Te Jesús la sc'opon ta ora: —Ac'a stulanil awo'tanic. Jo'on me. Ma me xiwex —xi'.

San Mateo 14:27 Referans Kwoze

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

San Juan 6:20

Te Jesuse la yaltalanbe: —Joꞌon me. Ma me xiꞌanik —xchi.

San Mateo 17:7

Tijilaj tal teꞌa te Jesuse, la spik y la yaltalanbe: —Jajchanik, ma me xiꞌanik —xyut.

San Mateo 9:2

Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

San Lucas 1:30

Albot xan yuꞌun: —Maria, ma me xiꞌan. Ya me awichꞌ kꞌuxutayel yuꞌun te Diose.

San Lucas 1:13

Pero te chꞌul ángele la yal: —Zacarias, ma me xiꞌan, yuꞌun te Diose yaꞌiyojbeyatix te akꞌope. Te awinam sꞌElisabete ya mex ayin xchꞌin yal, y te xchꞌin yale Juan me ya awaꞌbe sbiilin.

San Mateo 28:10

Te Jesuse jich a yaltalanbe: —Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.

San Lucas 2:10

Pero altalanbot yuꞌun te chꞌul ángele: —Ma me xiꞌanik, porke ay me tut kichꞌojbeyex tal te ben tsaꞌam ya kalbeyexe. Ben me sniꞌ xꞌawaꞌiyik yuꞌun ta apisilik.

San Mateo 14:28

La yal te jPedroe: —Kajwal, teme jaꞌate, ala mantal te ya xbeenon tal ta baba jaꞌ te ba ayate —xchi.

San Mateo 28:5

Te chꞌul ángele la yalbe te antstike: —Ma me xiꞌanik. Ya jnaꞌ te jaꞌ ya aleik te Jesus te milot ta kruse.

San Marcos 6:50

Spꞌejelik la yilik y bayal a xiꞌik yuꞌun. Te Jesuse la skꞌopon ta ora: —Ayuk me yip awoꞌtanik. Joꞌon me. Ma me xiꞌanik —xchi.

San Lucas 5:10

Jich ekꞌa te Jacobe sok te Juane te xnichꞌnab Zebedeoe te sjoy sbaik ta aꞌtel sok te Simone. Pero te Jesuse la yalbe te Simone: —Ma me xiꞌan. Te ora to jaꞌ awaꞌtelik ya xkꞌot te ya awikꞌ tal te genteetike —xchi.

San Lucas 12:32

“Ma me xiꞌanik, karneraetik kuꞌun, jaꞌex te ma bayalukexe. Te Jtatike ben jun yoꞌtan ya yakꞌex teꞌa te ba ya xmantaleje.