San Mateo 14:15 - Nuevo Testamento Tzeltal de Amatenango

¹⁵ Te kꞌalal ya xꞌijkꞌubix a te kꞌinale, te jnopojeletik yuꞌun te Jesuse tal skꞌoponik. Jich a yalik: —Mal kꞌaalix. Maꞌyuk machꞌa ay sna liꞌto. Tikonaix bael te genteetike, yuꞌun ya xba sman tut ya sweꞌik lum ba chꞌin kolonyaetike —xchiik.

Bible in Tzeltal Bachajón

¹⁵ Ta stibiltayel q'uinal tal ta c'oponel yu'un te jnopojeletic yu'un, hich la yalic: Jochol te q'uinal soc tibilix ta bahel. Ticonlanahix bahel yu'un ya xbahtic ta tut pueblohetic ta smanel swe'elic, xchihic.

Bible in Tzeltal de Oxchuc y Tenejapa

¹⁵ Te c'alal nopol ya x'ijc'ubix a te q'uinale, te jnopojeletic yu'un te Jesuse tal sc'oponic. Jich la yalic: —Malix te c'aale. Ma'yuc mach'a ay sna li'to. Ticunaix bael te ants-winiquetique, ac'a ba sman swe'elic ta bay ch'in lumlumtic —xiic.

San Mateo 14:15 Referans Kwoze

San Mateo 15:23

Pero te Jesuse maꞌ sjakꞌbe te skꞌope. Y te jnopojeletik yuꞌune tijilajik tal y la yalbeyik te Jesuse: —Albeya te antse aꞌ bajtuk, porke ben xꞌawetal ta jpatik —xchiik.

San Lucas 9:12

Te kꞌalal xmalubix kꞌaal aye, tijilajik tal te ba ay te Jesuse te lajchaytul jnopojeletike. Jich a yalik: —Tikonlanaix bael te genteetike yuꞌun aꞌ ba xkuxik, y aꞌ ba sleik tut ya sweꞌik te ba chꞌin kolonyaetike, y aꞌ ba smajanik na te ba tijil naxe. Yuꞌun te liꞌ ba ayotike, maꞌyuk na liye —xchiik.

San Marcos 8:3

Pero teme ya jtikon bael y maꞌyuk tut sweꞌojik ya xbajtik ta snaike, ya me xboya kꞌinal yaꞌiyik ta be, porke ay machꞌatik te jakal talemike —xchi.

San Mateo 14:13

Te kꞌalal la yaꞌiybe sluwar te Jesuse te tuti kꞌotix ta pasele, och ta barko. Stukel nax a bajt ta jun luwar te jochole. Te genteetike, kꞌalal la snaꞌbeyik sluwaril, lokꞌik tal ta spꞌejel te jtejklumetike, sok beenik bael ta yokik te ba bajt te Jesuse.

San Mateo 14:14

Te kꞌalal ko ta barko te Jesuse la yil te bayal genteetik teꞌa. La snaꞌbey yoꞌolil sbaik. Jich a slekutes te jchameletik te yikꞌolanik kꞌale.

San Mateo 14:16

La sjakꞌ te Jesuse: —Ma puersauk ya xlaj bajt. Aꞌbeya sweꞌel atukelik —xchi.