San Mateo 13:8 - Nuevo Testamento Tzeltal de Amatenango

⁸ Pero ay a kꞌot ta lekil lum. Lek a kꞌot te yijkatse. Te pꞌej nax tsꞌunubil ay a yakꞌ ta sien ta pꞌej te sbakꞌe, ye yane la yakꞌ sesenta ta pꞌej, y te yane treinta ta pꞌej.

Bible in Tzeltal Bachajón

⁸ Pero ay c'oht ta lequil lum, la yac' sit, ay la yac' ho'winic (100), ay la yac' oxwinic (60), ay la yac' lajuneb scha'winic (30) ta p'ij te site.

Bible in Tzeltal de Oxchuc y Tenejapa

⁸ Ja'uc me to, ay c'ot ta lequil lum. Sitin ta lec te awalile. Ay la yac' jo'winic (100) sit te juju-jpejt'e, ay oxwinic (60), ay lajuneb xcha'winic (30).

San Mateo 13:8 Referans Kwoze

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

San Mateo 13:23

Pero ay machꞌatik ya yaꞌiybe sluwaril sok te ya xkꞌot ta yoꞌtanike, jich kꞌoemik te tutꞌil tsꞌunubil te kꞌot ta lekil lume. Jich me lek ya yakꞌ sit stukel. Ay machꞌa jich a kꞌot tutꞌil mitsꞌojel te pꞌej nax tsꞌunubil ya yakꞌ sien ta pꞌej te site, sok ay ya yakꞌ ta sesenta, sok ay ya yakꞌ ta treinta —xchi te Jesuse.

San Juan 15:8

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Romanos 7:18

Porke ya jnaꞌ te tut ayone, jaꞌ bi jaꞌ te jtiꞌbalul te jmulawil winikone, maꞌyuk slekil. Yuꞌun aunke jnopoj ya jpas te tut leke, pero ma xjuꞌ kuꞌun spasel.

San Mateo 13:7

Sok ay a kꞌot ta yolil chꞌixetik te tsꞌunubile. Chꞌi moel te chꞌixetike, la stenik te tsꞌunubile.

San Marcos 4:8

Te yan tsꞌunubile kꞌot ta lekil lum. Chꞌi moel y toj lek a yakꞌ sit. Ay la yakꞌ treinta ta jpꞌej ta jun tsꞌunubil, te yane la yakꞌ sesenta ta jpꞌej, y te yane sien ta pꞌej —xchi te Jesuse.

San Marcos 4:20

Pero ay yanetik ya yaꞌiyik te skꞌop Diose y ya xchꞌuunik sok ya yakꞌ lek sit, jich kꞌoem tutꞌil te tsꞌunubil te kꞌot ta lekil lume. Ay machꞌa jich a kꞌot tutꞌil mitsꞌojel te ya yakꞌ treinta ta pꞌej jun tsꞌunubil, te yane ya yakꞌ sesenta, y te yane ya yakꞌ sien ta pꞌej —xchi te Jesuse.

San Lucas 8:8

Pero aya kꞌot ta lekil lum te tsꞌunubile. Chij tal, ben lek a yakꞌ yijkꞌats. Ay a yakꞌ sien ta jpꞌej te juju-pꞌej tsꞌunubile —xchi te Jesuse. Jich yipal ta yalel te Jesuse, y ben tulan a lijk yal xan: —Te machꞌa ay xchikin ta yaꞌiyel sluware, aꞌ me yaꞌibe lek sluwaril —xchi.