San Mateo 13:40 - Nuevo Testamento Tzeltal de Amatenango

⁴⁰ Te ak te ma tsaꞌamuk te la kal te ya yichꞌ tsobele sok te ya yichꞌ chikꞌel ta kꞌakꞌe, jich me ya xkꞌot ta pasel ta slajibal kꞌaal.

Bible in Tzeltal Bachajón

⁴⁰ Hich te bin ut'il ya yich' bulel te ac soc ya yich' chiq'uel ta c'ahc', hich ya xc'oht ta pasel ta slajibal c'ahc'al.

Bible in Tzeltal de Oxchuc y Tenejapa

⁴⁰ Te cizaña-ac te ya yich' tsobele soc te ya yich' chiq'uel ta c'ajq'ue, jich me ya xc'ot ta pasel ta slajibal c'aal.

San Mateo 13:40 Referans Kwoze

San Mateo 13:39

Te jkontra te la stsꞌun te ak te maꞌ tsaꞌamuke, jaꞌ te pukuje. Te yorail kꞌajoje jaꞌ te slajibal kꞌaale. Te jkꞌajojetike jaꞌ te chꞌul angeletik yuꞌun te Diose.

San Mateo 12:32

Teme ay machꞌa ya skontra-kꞌoptay te Nichꞌanile, ya xjuꞌ ya spasbot perdon yuꞌun. Yan te machꞌa ya skontra-kꞌoptay te Chꞌul Espiritue ma xjuꞌ ya spasbot perdon yuꞌun stukel te jayeb kꞌaal kuxul liꞌ ba balmilale ni jaꞌuk ta patil ni ta sbajtel kꞌinal.

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Mateo 13:49

Jich me ya xkꞌot ta pasel ta slajibal kꞌaal. Ya me xtal te chꞌul angeletike, ya me stꞌujik lokꞌel te machꞌatik ma lekuk ta yolil te machꞌa lek yoꞌtanik ta stojol te Diose.

San Mateo 24:3

Laj abi, bajtik ta wits Olivailtik. Teꞌ kꞌo snajkan sba a te Jesuse. Te jnopojeletik yuꞌune tal skꞌoponik ta parte. Jich a yalik: —Ya jkꞌantik ya awalbotik te tut ora ya xkꞌot ta pasel te tut la awalbotike. ¿Tut señail ya xchiknaj ta ilel te tut ora ya xchaꞌtalate sok teme jaꞌix te slajibal kꞌaale? —xchiik.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

1 Corintios 10:11

Spisil to jicha kꞌot ta pasel yuꞌun te antibo jmeꞌ-jtatike yuꞌun jun seña ta jtojoltik, y jicha tsꞌibayot jilel ta Sjun te Diose. Yuꞌun jun jpꞌijuteseltik te kuxulotik ta slajibal kꞌaale.

Hebreos 9:26

Te jichuk a spase, te Cristo bayal buelta ya skꞌan xlaj desde pas tal te balmilale. Pero te batsꞌi jiche, te ora to te jaꞌix te slajibal kꞌaale, te Cristoe jun nax buelta sok ta skuenta sbajtel kꞌinal a kꞌax swokol. Stukel mismo la yakꞌ sba ta milbil smajtan Dios yuꞌun xchꞌayel mulil.