San Mateo 13:37 - Nuevo Testamento Tzeltal de Amatenango

³⁷ Te Jesuse la yaltalanbe: —Te machꞌa la stsꞌun te lekil tsꞌunubile, jaꞌ te Nichꞌanile.

Bible in Tzeltal Bachajón

³⁷ Hich la sjac' te Jesús: Te mach'a ya sts'un te lequil ts'unubil, ha te Nich'anil ay ta scuenta winic.

Bible in Tzeltal de Oxchuc y Tenejapa

³⁷ Te Jesús la yalbey yaiyic: —Te mach'a la sts'un te lequil awalile, ja' me te Nich'anile.

San Mateo 13:37 Referans Kwoze

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

San Lucas 10:16

“Te machꞌatik ya yaꞌibe sluwar te akꞌopike, jaꞌ a yaꞌibeyix sluwar jkꞌop abi. Te machꞌatik ya spꞌajexe, joꞌon a spꞌajikonix abi. Te machꞌa ya spꞌajone, jaꞌ a spꞌajix euk te machꞌa stikonejon tale —xchi te Jesuse.

San Mateo 13:41

Te Nichꞌanile ya me stikon te chꞌul angeletik yuꞌune, ya xtal stsobik lokel ta balmilal te machꞌatik ya syaleswanik ta mulile sok te machꞌatik ma tsaꞌamuk yatꞌelike.

Romanos 15:18

Porke ma jaꞌuk ya jtabe ta alel yaꞌtel yan; jaꞌ nax ya kal te tut spasojbon Cristo ta jtojole, skuenta jich ya xchꞌuunik Dios te machꞌatik ma juriyouke. Aꞌtej Cristo ta skuenta te kꞌop la kal, sok ta skuenta te tut la jpase,

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

San Juan 13:20

Jamal ya kalbeyex: Te machꞌa ya yakꞌ ta jkuenta te machꞌa joꞌon ya jtikone, joꞌon a yakꞌonix ta jkuenta abi. Y te machꞌa ya yakꞌon ta jkuentae, jaꞌ a yakꞌix ta jkuenta euk te Machꞌa la stikonon tale —xchi te Jesuse.

San Mateo 13:27

Te jꞌaꞌteletike ba yalbeyik te yajwale: “Kajwal, ¿me lekil tsꞌunubil te ba awakꞌ ta awel ta alume? ¿Tutꞌil a chiknaj te ak te ma tsaꞌamuke?” xchiik.

San Mateo 13:24

Te Jesuse lijk yalbe yaꞌiyik yan seña kꞌop. Jich a yal: —Te tutꞌil ya xkꞌot ta ajwalinel te Diose, jachik tutꞌil jtul winik te la stsꞌun lekil stsꞌunubil ta slume.

San Mateo 10:40

“Te machꞌa ya yikꞌex ta snae, joꞌon a yikꞌonix ta sna euk. Sok te machꞌa ya yikꞌon ta snae, jaꞌ la yikꞌix ta sna euk te machꞌa stikonejon tale.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

Hebreos 2:3

¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

Hebreos 1:1

Te nameye, bayal buelta Dios la skꞌopon te antibo jmeꞌ-jtatike ta skuenta te jꞌalwanejetike. Bayal buelta la skꞌopone sok lebot yuꞌun tutꞌil ya xkꞌot ta yoꞌtanik.

San Mateo 13:4

Te kꞌalal lijk ta yawel te stsꞌunube ay pꞌekajtik kꞌoel ta be. Tal te teꞌtikil mutetike, la sweꞌik bael te tsꞌunubile.