San Mateo 13:31 - Nuevo Testamento Tzeltal de Amatenango

³¹ Te Jesuse la yaltalanbe yaꞌiy yan seña-kꞌop. Jich a yal: —Te tutꞌil ya xkꞌot ta ajwalinel te Diose, jaꞌ pajal kꞌoem sok jun sbakꞌ mostesiae te la stsꞌun ta slum te jtul winike.

Bible in Tzeltal Bachajón

³¹ Ay yan sloc'ombahil c'op la yalbe ya'iyic, hich la yal: Te cuentahinel yu'un te ch'ulchan hich c'ohem te bin ut'il sbac' mostaza te ay mach'a la yich' bahel, la sts'un ta sq'uinal.

Bible in Tzeltal de Oxchuc y Tenejapa

³¹ Te Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, ja' pajal c'oem soc te sbac' mostaza te la sts'un ta sq'uinal te jtul winique.

San Mateo 13:31 Referans Kwoze

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

San Mateo 13:24

Te Jesuse lijk yalbe yaꞌiyik yan seña kꞌop. Jich a yal: —Te tutꞌil ya xkꞌot ta ajwalinel te Diose, jachik tutꞌil jtul winik te la stsꞌun lekil stsꞌunubil ta slume.

San Lucas 20:9

Te Jesuse lijk yalbe te genteetike te seña-kꞌop to: —Ay jtul winik te ba stsꞌun ubailtik y la yakꞌ jilel ta kanantayel yuꞌun jꞌaꞌteletik, y jakal a bajt ta beel, y jalaj teꞌa.

San Lucas 19:11

Te genteetike yipalik ta yaꞌibeyel sluwar skꞌop te Jesuse. Jicha lijk yalbe jun seña-kꞌop yuꞌun tijilix ay bael a ba Jerusalene, y skuyojik te genteetike te ya xchiknaj ta ora te ya xlijkix ta mantal te Diose.