San Mateo 13:24 - Nuevo Testamento Tzeltal de Amatenango

²⁴ Te Jesuse lijk yalbe yaꞌiyik yan seña kꞌop. Jich a yal: —Te tutꞌil ya xkꞌot ta ajwalinel te Diose, jachik tutꞌil jtul winik te la stsꞌun lekil stsꞌunubil ta slume.

Bible in Tzeltal Bachajón

²⁴ Ay yan sloc'ombahil c'op halbot ya'iyic yu'un te Jesús, hich la yal: Te cuentahinel yu'un te ch'ulchan, hich c'ohem te bin ut'il jtuhl winic te la slihlin ts'unubil ta sq'uinal;

Bible in Tzeltal de Oxchuc y Tenejapa

²⁴ Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, jich c'oem te bit'il la sts'un lequil awalil ta sq'uinal te jtul winique.

San Mateo 13:24 Referans Kwoze

San Mateo 25:1

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

San Mateo 20:1

La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube.

San Mateo 13:47

“Te tutꞌil ya xkꞌot ta ajwalinel te Diose, jaꞌ pajal kꞌoem sok te stsajkil-chay te ya xchꞌojot ochel ta mare yuꞌun ya stsak lokꞌel spisil ta kaj te chaye.

San Mateo 22:2

—Te tutꞌil ya xkꞌot ta ajwalinel te Diose, jich kꞌoem te tutꞌil jtul rey te la spas kꞌin yuꞌun te ya xnujpun te xnichꞌane.

San Mateo 13:37

Te Jesuse la yaltalanbe: —Te machꞌa la stsꞌun te lekil tsꞌunubile, jaꞌ te Nichꞌanile.

San Lucas 13:20

La yal xan te Jesuse: —¿Tut a te pajal kꞌoem sok te tutꞌil ya xkꞌot ta ajwalinel te Diose?

San Lucas 13:18

Te Jesuse la yal xan: —¿Tut a te pajal kꞌoem sok te tutꞌil ya xkꞌot ta ajwalinel te Diose? ¿Tut ya jpajtik sok a?

San Mateo 13:33

Ay yan seña-kꞌop te la yal te Jesuse: —Te tutꞌil ya xkꞌot ta ajwalinel te Diose, ja pajal sok te levadurae te la skap sok oxpꞌis jarina te antse, jaꞌ to te sijtꞌ ta swolol te matsꞌe —xchi te Jesuse.

1 Pedro 1:23

Yuꞌun te jaꞌexe chaꞌayinexix, y ma jaꞌuk ta skuenta te jtul winik te ya xlaje, sino ke ta skuenta te skꞌop Dios te stalel kuxul ay ta sbajtel kꞌinal stukele.

San Mateo 13:31

Te Jesuse la yaltalanbe yaꞌiy yan seña-kꞌop. Jich a yal: —Te tutꞌil ya xkꞌot ta ajwalinel te Diose, jaꞌ pajal kꞌoem sok jun sbakꞌ mostesiae te la stsꞌun ta slum te jtul winike.

San Mateo 18:23

“Jaꞌ yuꞌun te ba ay ta mantal te Diose, jachik kꞌoem te tutꞌil ay jtul ajwalil te la skꞌan yichꞌbe jkuenta sbet te aꞌteletik yuꞌune.

San Mateo 13:19

Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 21:33

“Aꞌibeyaik sluwar yan seña-kꞌop: Te yajwal pinkae la stsꞌun yubailtik ta slum y la spasbe smakteꞌul. La xchap jun luwar ba ya spitsꞌbe sit te yubae, sok la spas slotstajib yuꞌun ya skanantay te yubailtike. La yakꞌ jil ta lokꞌel yuꞌun te jmajan-lumetike y bajt ta jakal.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

San Mateo 13:25

Pero te kꞌalal wayajtikix ae, tal te skontrae. Och stsꞌun te ak te ma tsaꞌamuke te ta yolil triwue. Yo bajt.