San Mateo 13:23 - Nuevo Testamento Tzeltal de Amatenango

²³ Pero ay machꞌatik ya yaꞌiybe sluwaril sok te ya xkꞌot ta yoꞌtanike, jich kꞌoemik te tutꞌil tsꞌunubil te kꞌot ta lekil lume. Jich me lek ya yakꞌ sit stukel. Ay machꞌa jich a kꞌot tutꞌil mitsꞌojel te pꞌej nax tsꞌunubil ya yakꞌ sien ta pꞌej te site, sok ay ya yakꞌ ta sesenta, sok ay ya yakꞌ ta treinta —xchi te Jesuse.

Bible in Tzeltal Bachajón

²³ Yan te ts'unubil te c'oht ta lequil lum, ha sc'oblal te mach'a ya ya'iy soc ya xc'oht ta yo'tan te c'ope; ya yac' sit ta ho'winic (100), ta oxwinic (60) o ta lajuneb scha'winic (30), xchi te Jesús.

Bible in Tzeltal de Oxchuc y Tenejapa

²³ Yan te awalil te c'ot ta lequil lume, ja' sc'oplal te mach'a ya yaiy stojol te Sc'op Diose, ya yac' ta yo'tan. Jich me ya sitin ta lec c'oem. Ay jo'winic (100) ya yac' sitic c'oem te juju-jtule. Ay ya yac' oxwinic (60), soc ay ya yac' lajuneb xcha'winic (30) —xi' te Jesuse.

San Mateo 13:23 Referans Kwoze

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Mateo 12:33

“Chapaik lek te teꞌe, jich me lek te sit ya yakꞌ. Yan teme ma chapbiluk leke, ma tsaꞌamuk sit ya yakꞌ. Jich te teꞌe ya anaꞌbeytik sba ta skuenta te site.

San Mateo 13:8

Pero ay a kꞌot ta lekil lum. Lek a kꞌot te yijkatse. Te pꞌej nax tsꞌunubil ay a yakꞌ ta sien ta pꞌej te sbakꞌe, ye yane la yakꞌ sesenta ta pꞌej, y te yane treinta ta pꞌej.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

San Mateo 3:8

Aꞌ me chiknajuk ta ilel ta jamal ta skuenta awaꞌtelik te tutꞌil sujtemix awoꞌtanik ta stojol te Kajwaltike. Ma me xꞌawalik: “Te joꞌotike stsꞌumbalotik jꞌAbraham”, ma me xchiukex.

San Lucas 13:9

Jich wan ya yakꞌ sit. O teme ma yakꞌ site, ya xjuꞌ ta tsꞌetel lokꞌel”, xchi —xchi te Jesuse.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Hebreos 8:10

Te trate te ya jchap sok te Israele ta patil, jaꞌ me to: Ya me kaꞌbe ta sjolik te mantaliletik kuꞌune y ya me jtsꞌibabe ta yoꞌtanik. Joꞌon Dioson yuꞌunik ya xkꞌoon, y te stukelike jaꞌ jtejklum kuꞌun.

Hebreos 4:2

Porke jich euk te joꞌotike la yalbelotik te skꞌoplal te kolele, jich tutꞌil albilik te antibo jmeꞌ-jtatike. Pero te stukelike maꞌ tuun yuꞌunik te la yaꞌiyike, porke maꞌ xchꞌuunik te tutꞌ ay skꞌoplale.

2 Tesalonicenses 2:10

Y ya me xtuun yuꞌun spisil ta jkaj te tut ma lekuke yuꞌun ya sloꞌlay te machꞌatik ya xbajtik ta chꞌayele, porke maꞌ skꞌan ya xchꞌuunik te tut batsꞌi jich te ya yakꞌ te kolele.

1 Tesalonicenses 4:1

Te ora to, kermanotak, awokolikuk ya kalbetikex ta skuenta te Kajwaltike, jich me ya apasik xan tutꞌil te yipalexix ta spasele. Ja te tutꞌil joꞌotik a jnopestikex te jich ya apasike, skuenta yuꞌun lek ya yilex a te Diose.

Filipenses 4:17

Ma yuꞌunuk te jaꞌ nax te ya jkꞌan jmajtane. Te tut ya jkꞌane, jaꞌ te jaꞌex te lek ya xkꞌoex ta sit te Diose.

2 Corintios 9:10

Dios ya yaꞌbe stsꞌunub te machꞌa ya stsꞌunbaje y sok te tut ya sweꞌe. Jich ya yaꞌbeyex te jaꞌexe spisil te tut ya akꞌanik yuꞌun te ya atsꞌunike, y ya spꞌolesbeyex ta mas, yuꞌun jich me ya xjuꞌ awuꞌunik spasel a te bayal lekil aꞌteliletike.

Hechos 17:11

Te juriyoetik te ayik ta jtejklum Bereae ay srazonik, ma pajaluk sok te machꞌatik ay ta jtejklum Tesalónicae. Ben jun yoꞌtanik la yaꞌiybeyik sluwar te tuti altalanbot yuꞌun te jPabloe. Jujun kꞌaal ya yilik ta Sjun Dios teme jich te tut ya xꞌaltalanbote.

Hechos 16:14

Ay jtul ants te teꞌey ae, xLidia sbiil, te lijkem tal ta jtejklum Tiatirae. Jaꞌ yaꞌtelinej xchonel te ben tsaꞌam tsajal ijkꞌsukantik pakꞌ te ben toyol stojole. Te ants to ben lek xchꞌuunej te Diose, yipal ta yaꞌiyel te tut ya yal te jPabloe te nikbot yoꞌtan yuꞌun te Kajwaltike.

San Juan 8:47

Te machꞌatik yuꞌun te Diose ya yaꞌibe sluwar te skꞌop Diose. Pero ta skaj te ma yuꞌunukex te Diose, jich ma xꞌakꞌan xꞌawaꞌibeyik sluwar te skꞌope —xchi te Jesuse.

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

San Marcos 10:15

Jamal ya kalbeyex, te machꞌa ma jichuk yoꞌtan tutꞌil te untike ma xjuꞌ ya yajwalin te Diose —xchi te Jesuse.

San Marcos 4:20

Pero ay yanetik ya yaꞌiyik te skꞌop Diose y ya xchꞌuunik sok ya yakꞌ lek sit, jich kꞌoem tutꞌil te tsꞌunubil te kꞌot ta lekil lume. Ay machꞌa jich a kꞌot tutꞌil mitsꞌojel te ya yakꞌ treinta ta pꞌej jun tsꞌunubil, te yane ya yakꞌ sesenta, y te yane ya yakꞌ sien ta pꞌej —xchi te Jesuse.

San Mateo 3:10

Pajalex sok te teꞌetik te chapalix yechejul te ya yichꞌ tsꞌetel kꞌalal ta yisim.

Hebreos 6:7

Jaꞌ pajal sok te lum te ya yuchꞌ te jaꞌale te ya xko ta sbae, teme ya yakꞌ jun kosecha te ya xtuun yuꞌun te machꞌatik ya xꞌaꞌteje, ya staik bendision yuꞌun te Dios te lume.

San Lucas 8:8

Pero aya kꞌot ta lekil lum te tsꞌunubile. Chij tal, ben lek a yakꞌ yijkꞌats. Ay a yakꞌ sien ta jpꞌej te juju-pꞌej tsꞌunubile —xchi te Jesuse. Jich yipal ta yalel te Jesuse, y ben tulan a lijk yal xan: —Te machꞌa ay xchikin ta yaꞌiyel sluware, aꞌ me yaꞌibe lek sluwaril —xchi.