San Mateo 13:11 - Nuevo Testamento Tzeltal de Amatenango

¹¹ Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

Bible in Tzeltal Bachajón

¹¹ Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

Bible in Tzeltal de Oxchuc y Tenejapa

¹¹ Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

San Mateo 13:11 Referans Kwoze

1 Corintios 2:14

Te machꞌa maꞌyuk ta skuenta te Espiritue, ma skꞌan xchꞌuunik te tutik skuenta te Espíritu yuꞌun Dios, yuꞌun jowil nax kꞌoem ta yoꞌtanik. Sok ma xjuꞌ yuꞌunik snaꞌbeyel sluwar, yuꞌun makꞌ xkoltayot ta yichꞌel jkuenta yuꞌun te Espiritue.

San Mateo 19:11

La sjakꞌ te Jesuse: —Ma spisiluk ya xkꞌot ta yoꞌtanik, jaꞌ to teme Dios ya xꞌalbot ta yoꞌtanik yuꞌune.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

1 Juan 2:20

Te Cristoe jaꞌ a yaꞌbeyex te Chꞌul Espiritue, y ta apisilik te jaꞌexe jich ay ta awoꞌtanik te tut batsꞌi jiche.

San Mateo 16:17

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.

Efesios 1:9

Y la yaꞌbotikix jnaꞌtik te tut ya skꞌan yoꞌtan te ma chikanuke, jaꞌ te tut xchapoj stukel mismo te yaloj te jich ya xkꞌot ta pasel yuꞌune.

Efesios 5:32

Jaꞌ to ben tulan skꞌoplal te mukul aye. Pero te joꞌone ya kal te jaꞌ skꞌoplal Cristo y sok te hermanoetike.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

San Lucas 8:10

Altalanbot yuꞌun te Jesuse: —Te jaꞌexe Dios ya yaꞌbeyex anaꞌbeyik sluwaril te tutꞌil ay ta ajwalinel te ma xnaꞌbot sluwaril ta primeroe. Yan te yanetike, ya jkꞌopon ta seña-kꞌop, yuꞌun jayebuk ya yilik ta sitik ma snaꞌbeyik sluwaril, sok jayebuk buelta te ya xꞌaltalanbote, ma xkꞌot ta yoꞌtanik.

1 Corintios 15:51

Pero ya jkꞌan ya kalbeyex sluwaril te tut ma awaꞌiyejikuke: Ma jpisiltikuk ya xchamotik. Pero jpisiltik ya xyanejotik.

1 Corintios 2:7

Jaꞌ ya kaltik te spꞌijil skꞌop Dios te mukꞌul aye. Jaꞌ bi, jaꞌ te la snop ta yoꞌtan te kꞌalal ma to spas a te balmilale te ya slebotik jlekilaltik sbajtel kꞌinale.

San Juan 6:65

Jich la yal xan: —Jaꞌ yuꞌun la kalbeyex te maꞌyuk machꞌa ya xtal ta jtojol te manchuk ya xꞌikꞌot tal yuꞌun te Tatile —xchi.

1 Timoteo 3:9

Ya skꞌan te jun yoꞌtan xchꞌuunej te batsꞌi jich te tut jchꞌuunejtikixe, sok te ben lek te yoꞌtane.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

San Marcos 4:11

Te Jesuse la yalbe: —Te jaꞌexe, Dios ya yaꞌbeyex anaꞌik te tutꞌil ay ta ajwalinel te maꞌyuk ta naꞌel skꞌoplal ta nail toe. Jaꞌ tsꞌiin te machꞌatik ayik ta afuera ya xꞌaltalanbot puru ta seña-kꞌop,

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

Efesios 6:19

Y kꞌoponbonik me Diose euk, yuꞌun Dios me ya yaꞌbon te kꞌopetik ya skꞌan ya kale. Yuꞌun jich me ya xjuꞌ yuꞌun yalel sok yip koꞌtan te skꞌoplal kolel, y jich ya kakꞌ ta naꞌel te tut mukul ay ta nail toe.

1 Corintios 4:7

¿Machꞌa ya yakꞌ te jich ya apasike? ¿Me ay tut ay awuꞌunik te ma jaꞌuk yakꞌojbeyex te Diose? Y teme jaꞌ yakꞌojbeyex te Diose, ¿tuꞌun te ya atoy abaik yuꞌune? Ma jaꞌuk la aleik.

1 Corintios 4:1

Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

Efesios 1:18

Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Hechos 16:14

Ay jtul ants te teꞌey ae, xLidia sbiil, te lijkem tal ta jtejklum Tiatirae. Jaꞌ yaꞌtelinej xchonel te ben tsaꞌam tsajal ijkꞌsukantik pakꞌ te ben toyol stojole. Te ants to ben lek xchꞌuunej te Diose, yipal ta yaꞌiyel te tut ya yal te jPabloe te nikbot yoꞌtan yuꞌun te Kajwaltike.

San Mateo 13:10

Te jnopojeletike tijilajik tal ochel te ba ay te Jesuse. La sjojkꞌobeyik: —¿Tut yuꞌun te ya akꞌopon ta seña-kꞌop te genteetike? —xchiik.

San Mateo 20:23

Te Jesuse la sjakꞌtalanbe: —Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.

San Marcos 10:40

Pero te tutꞌil ya akꞌanik te ya xnajkꞌajex ta sbatsꞌil jkꞌab sok ta skꞌexome, ma joꞌukon ay ta jkuenta. Jaꞌ chikan stukel te Jtate te machꞌatik chapalix skꞌoplalike te ya yakꞌ najkꞌajuk teꞌae —xchi te Jesuse.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.