San Mateo 12:41 - Nuevo Testamento Tzeltal de Amatenango

⁴¹ “Te kꞌalal ya sta yorail ya xꞌilbot yaꞌtelik te genteetik te kuxulik te ora to, teꞌ me ayik euk te jniniveetike. Jaꞌ me ya yalbeyik smulik kꞌoem, yuꞌun te jniniveetike la sujtes yoꞌtanik yuꞌun smulik te kꞌalal albot yaꞌiyik skꞌop Dios yuꞌun te Jonase.

Bible in Tzeltal Bachajón

⁴¹ Te yajwal Nínive pajal me ya stehc'an sbahic ta yorahil ich'el ta c'op soc te jcaj ts'umbalil ini, ya xhalbot smulic yu'un, como la suhtes yo'tanic yu'un te bin halbotic yu'un te Jonás, pero ha toyol yu'un Jonás te mach'a li' aye.

Bible in Tzeltal de Oxchuc y Tenejapa

⁴¹ “Te c'alal ya sta yorail ya x'ilbot yat'elic te jayeb ants-winiquetic cuxulic ta q'uinal ta ora to, tey me ayic uuc a te niniveetique. Ja' me ya yalbeyic ta jamal te smulique, melel te niniveetique la sujt'es yo'tanic yu'un smulic te c'alal la xchol sc'op Dios te Jonase. Yan ta ora to li' ay to te mach'a cajal yu'un te Jonase.

San Mateo 12:41 Referans Kwoze

San Mateo 12:42

Sok teꞌ me ay euk te ants te ay ta reyil ta nasion ta stojil sur. Jaꞌ me ya yalbe smulik kꞌoem euk te machꞌatik kuxulik ta balmilal te ora to. Porke lom jakal a tal te antse yuꞌun tal yaꞌi bael tut ay spꞌijil te Salomone. Te machꞌa liꞌ ay te ora to jaꞌ mas mukꞌ ay yuꞌun te Salomone.

Hebreos 11:7

Ta skuenta xchꞌuunel yoꞌtan, te jNoee la yakꞌ ta jkuenta te tut albot yuꞌun Dios kꞌalal la yaꞌbe snaꞌ te tut ya xkꞌot ta pasel te ma to chikanuke. La xchꞌuun y la spas barko yuꞌun ya xkol a sok te yuntikile. Y ta skuenta te xchꞌuunel yoꞌtane, te jNoee la yakꞌ ta ilel smul te gente ta balmilale. Y la sta te kolel te tutꞌil lek a ilot yuꞌun te xchꞌuunel yoꞌtane.

Romanos 2:27

Te machꞌa ya xchꞌuun te mantaliletike, keseme ma yichꞌojuk sirkunsision ta stiꞌbalul, ya yakꞌ ta kꞌexlal te machꞌatik yichꞌojik te mantaliletike sok te yichꞌojik sirkunsisione, pero ma xchꞌuunejuk.

San Juan 3:31

Te machꞌa talem ta ajkꞌole jaꞌ mas mukꞌ stukel ke te spisil tutik aye. Te machꞌa skuenta nax balmilale ay nax ta skuenta balmilal, sok jaꞌ nax ya snaꞌ yalel te tut skuenta nax balmilale. Pero te machꞌa talem ta chꞌulchane, jaꞌ mas mukꞌ ke te tutik aye.

San Mateo 12:6

Ya kalbeyex te liꞌay to te tut mas mukꞌ yuꞌun te temploe.

San Juan 4:12

Te antibo jtatik Jacobe la yaꞌbotik jilel te poso to te liꞌ mismo la yuchꞌ jaꞌ euk te yuntikile sok te xchambalamike. ¿Meꞌn jaꞌat mas nailat yuꞌun? —xchi te antse.

San Lucas 11:32

Sok teꞌ me ayik ekꞌa te jniniveetike. Jaꞌ me ya yalbeyik smul kꞌoem euk te genteetik te kuxajtik te ora to, porke te jniniveetike la sujtes yoꞌtanik yuꞌun smulik te kꞌalal la yaꞌiyik te skꞌop Dios te albot yuꞌun te Jonase. Yan te ora to liꞌ ay te machꞌa mukꞌ yuꞌun te Jonase.

San Mateo 23:36

Jamal ya kalbeyex: Jaꞌ me ya akuchik ta apisilik jaꞌex te kuxulex ta balmilal te ora to.

San Mateo 17:17

La sjakꞌ te Jesuse: —¿Tuꞌun tut ayex, genteetik te maꞌyuk tut xchꞌuunej awoꞌtanik ta stojol te Diose sok te ma lekuk awoꞌtanike? ¿Jayeb me xan kꞌaal te joyinejexe? ¿Jayeb me xan kꞌaal te ya jtsꞌikbeyex te tutꞌil ayexe? Ikꞌbikon tal te kereme —xchi.

San Mateo 16:4

Te genteetik to te ma tsaꞌamuk yoꞌtanik sok te ma junuk yoꞌtanik ta stojol te Diose, ya skꞌan yilik seña. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose —xchi. Te Jesus la sjileslan y bajt.

San Mateo 12:45

Jich ya xba sle xan tal jukeb xan sjoy te kꞌax ma tsaꞌamuk yaꞌtelik. Spisilik ya xꞌoch snaimbey yoꞌtan te gentee. Kꞌax ma tsaꞌamuk ya sujt te gentee tutꞌil te nail toe. Jich me ya xkꞌot te genteetik te kuxulik ta balmilal te ora to te ma tsaꞌamuk yoꞌtanike —xchi te Jesuse.

San Mateo 12:39

La sjakꞌ te Jesuse: —Te genteetik to ma tsaꞌamuk yoꞌtanik sok ma junuk yoꞌtanik ta stojol Dios. Jaꞌ nax ya skꞌan yilik seña milagro. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose.