San Mateo 12:32 - Nuevo Testamento Tzeltal de Amatenango

³² Teme ay machꞌa ya skontra-kꞌoptay te Nichꞌanile, ya xjuꞌ ya spasbot perdon yuꞌun. Yan te machꞌa ya skontra-kꞌoptay te Chꞌul Espiritue ma xjuꞌ ya spasbot perdon yuꞌun stukel te jayeb kꞌaal kuxul liꞌ ba balmilale ni jaꞌuk ta patil ni ta sbajtel kꞌinal.

Bible in Tzeltal Bachajón

³² Mach'ayuc a te ay bin ya yal ta scontrahinel te Nich'anil ay ta scuenta winic, ya xpasbot perdón yu'un; yan te mach'a ay bin ya yal ta scontrahinel te Ch'ul Espíritu, ma ba ya xpasbot perdón stuquel, ni ha'uc ta ora ini o ta patil.

Bible in Tzeltal de Oxchuc y Tenejapa

³² Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

San Mateo 12:32 Referans Kwoze

San Marcos 3:29

Yan te machꞌa ya yixlan ta kꞌop te Chꞌul Espiritue, ma sta perdon stukel. Te skuchoj smul sbajtel kꞌinal —xchi te Jesuse.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

1 Timoteo 1:13

manchuk me snaꞌoj te la jtoyba-kꞌoptay ta nail toe, sok la jtentalan y la kikꞌtinlan. Pero te Diose la yaꞌbon slekil yoꞌtan ta jtojol, yuꞌun te joꞌon ma to jchꞌuunejuk aye, sok maꞌ jnaꞌ te tutꞌ ayon ta pasele.

Tito 2:12

Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Efesios 1:21

Jaꞌ muk a kꞌot yuꞌun spisil te tutik ay spuersa, sok te ay yaꞌtelike, sok te ay spodere y sok te ya xmantalteswanike. Y jaꞌ mukꞌ a kꞌot yuꞌun spisil te tutik aye te tutik ay ta balmilal sok te tutik ya xtal ta patile.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

San Lucas 12:10

Dios ya spasbot perdon yuꞌun te machꞌa ya skontra-kꞌoptay te Nichꞌanile. Yan te machꞌa ya stoyba-kꞌoptay te Chꞌul Espiritue ma xjuꞌ ya spasbot perdon yuꞌun stukel.

San Mateo 12:31

“Jaꞌ yuꞌun ya kalbeyex te ya xjuꞌ ya spasbot perdon yuꞌun spisil smulik te ya spas te genteetike sok spisil stoyba-kꞌopik te ya xlokꞌ ta stiꞌike. Yan teme ya stoyba-kꞌoptayik te Chꞌul Espiritue, ma xjuꞌ ya spasbot perdon yuꞌun stukel.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

San Juan 7:12

Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

San Lucas 23:34

Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

San Marcos 10:30

sien ta jmel ya xꞌaꞌbot sjelol liꞌ ta balmilale, chikan teme sna, o sbankiltak, o xwixitak, o yijtsꞌinab, o smeꞌ, o yuntikil, o slum. Aunke ya yichꞌ ilbajinel, pero ta patil bael ya me xꞌaꞌbot xkuxlejalik ta sbajtel kꞌinal yuꞌun.

San Juan 7:52

Te fariseoetike la sjakꞌik: —Jich euk te jaꞌate, ¿me yuꞌun Galileoat? Nopa ta lek te Sjun Diose; teꞌ me ya awil a te ni jtul jꞌalwanej ya xtal ta Galileae —xyutik.

San Lucas 7:34

Patil a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌae, sok te ya sjoyin jmulawiletik sok jkꞌan-tojemaletik.

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Mateo 13:55

¿Me ma wan jaꞌuk te xnichꞌan karpinteroe sok ma wan jaꞌ smeꞌ te xMariae? ¿Me ma wan jaꞌuk yijtsꞌinab te Jacoboe sok te Josee sok te Simone sok te Judase?

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

San Mateo 12:8

Jich te Nichꞌanile, jaꞌ ajwalil yuꞌun te skꞌaalel kuxo-oꞌtane —xchi te Jesuse.

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Mateo 13:39

Te jkontra te la stsꞌun te ak te maꞌ tsaꞌamuke, jaꞌ te pukuje. Te yorail kꞌajoje jaꞌ te slajibal kꞌaale. Te jkꞌajojetike jaꞌ te chꞌul angeletik yuꞌun te Diose.

San Mateo 13:40

Te ak te ma tsaꞌamuk te la kal te ya yichꞌ tsobele sok te ya yichꞌ chikꞌel ta kꞌakꞌe, jich me ya xkꞌot ta pasel ta slajibal kꞌaal.

San Marcos 3:28

“Jamal ya kalbeyex, te Diose ya yaꞌbe perdon te winketik yuꞌun spꞌejel te smulike sok spꞌejel te ma tsaꞌamuk te ya yalike.

San Lucas 16:8

“Te yajwale la snaꞌbe sluwar. Jich a yal: “Te jkanan ma tsaꞌamuke ay spꞌijil yuꞌun te tutik ya spase”, xchi yuꞌun. Jich te machꞌatik ayik ta skuenta te balmilal to, mas ay spꞌijilik ta xchapel sbaik stukelik ke te machꞌatik ayikix ta sakil kꞌinale.

San Lucas 18:30

ya yichꞌbe bayal sjelol liꞌ ba balmilale, sok ta patil bael ya me yichꞌ xkuxlejal sbajtel kꞌinal —xchi te Jesuse.

1 Timoteo 4:8

Ya xtuun chꞌinuk te ya jkꞌayestik te jtiꞌbalultike; yan te ya jkꞌayes jbajtik ta xchꞌuunel Diose, jaꞌ bayal ya xtuun yuꞌun stukel, porke ay me tut ya jtajtik a yuꞌun te jkuxlejaltik to y sok yuꞌun te jkuxlejaltik ta patile.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

2 Timoteo 4:10

Yuꞌun te jDemase, jaꞌ bikꞌtajix yoꞌtan yuꞌun te tutik skuenta te balmilal to. La sjilesonix y bajtix ta Tesalónica. Te Crescentee bajtix ta estado yuꞌun Galacia, y te jTitoe bajt ta Dalmacia.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.