San Mateo 12:31 - Nuevo Testamento Tzeltal de Amatenango

³¹ “Jaꞌ yuꞌun ya kalbeyex te ya xjuꞌ ya spasbot perdon yuꞌun spisil smulik te ya spas te genteetike sok spisil stoyba-kꞌopik te ya xlokꞌ ta stiꞌike. Yan teme ya stoyba-kꞌoptayik te Chꞌul Espiritue, ma xjuꞌ ya spasbot perdon yuꞌun stukel.

Bible in Tzeltal Bachajón

³¹ Ha yu'un ya calbeyex, spisil muliletic soc spisil sbohlc'optayel Dios ay perdón yu'un; yan te sbohlc'optayel te Ch'ul Espíritu, mayuc perdón yu'un stuquel.

Bible in Tzeltal de Oxchuc y Tenejapa

³¹ “Jich yu'un ya calbeyex: Spisil mulil soc stoyba c'op te ants-winiquetique, ya spasbot perdón yu'un te Diose. Yan teme ya stoybac'optayic te Ch'ul Espiritue, ma xju' ya spasbot perdón yu'un stuquel.

San Mateo 12:31 Referans Kwoze

San Lucas 12:10

Dios ya spasbot perdon yuꞌun te machꞌa ya skontra-kꞌoptay te Nichꞌanile. Yan te machꞌa ya stoyba-kꞌoptay te Chꞌul Espiritue ma xjuꞌ ya spasbot perdon yuꞌun stukel.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.

Hebreos 10:26

Porke teme skꞌanojel koꞌtantik sigue ya xmulawotike, aunke jnaꞌojtikix te tut batsꞌi jiche, ma me ayukix ta mas te milbil smajtan Dios yuꞌun te jmultike.

Hechos 7:51

Pero te jaꞌexe sigue ma xꞌakꞌanik pꞌijutesel. Te awoꞌtanike sok te achikinike pajal kꞌoemex sok te machꞌa ma snaꞌbeyik sba te Diose. Sil tiempo a kontrainejik te Chꞌul Espiritue. Jaꞌ pajalex sok te antibo ameꞌ-atatike te jich a spasike.

1 Juan 5:16

Teme ay machꞌa ya yil te yermano te yipal ta sleel smule, teme ma jaꞌuk ta skuenta te lajele, kꞌoponbeya Dios. Jich Dios ya xꞌaꞌbot xkuxlejal yuꞌun te hermanoe, teme ma jaꞌuk te mulil skuenta te lajele. Ay mulil te ya xꞌakꞌawan bael ta lajele, y te mulil abi makꞌ ya kal te ya skꞌan kꞌoponbeyel Diose.

1 Juan 1:9

Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

Hebreos 6:4

Porke te machꞌatik jmel nax a yichꞌik te sakil kꞌinale, y tsaꞌam a yaꞌiyik te majtanil yuꞌun te Diose, y la yichꞌikix te Chꞌul Espiritue,