San Mateo 12:28 - Nuevo Testamento Tzeltal de Amatenango

²⁸ Pero te joꞌone ya jlokꞌes pukujetik ta skuenta te Espíritu yuꞌun te Diose. Teꞌ chikanix ta ilel ta jamal a te lijkix ta mantal ta awolilik te Diose.

Bible in Tzeltal Bachajón

²⁸ Yan teme ta scuenta te Espíritu yu'un Dios ya jloq'ues pucujetic, yu'un nix ha hulix ta atojolic te cuentahinel yu'un te Diose,

Bible in Tzeltal de Oxchuc y Tenejapa

²⁸ Ja'uc me to, te jo'one ya jloq'ues pucujetic ta swenta te Espíritu yu'un te Diose. Tey chicanix ta jamal te ayix ta ajwalinel ta awolilic te Diose.

San Mateo 12:28 Referans Kwoze

San Lucas 11:20

Pero te ya jlokꞌes te pukujetike, jaꞌ nax ta skuenta spoder te Diose. Jich chikanix ta jamal a te ayix ta ajwalil ta awolilik te Diose.

San Mateo 21:43

Jaꞌ yuꞌun ya kalbeyex te jaꞌexe, ya me spojbelex awaꞌtelik te ba ay ta mantal te Diose. Jaꞌ me ya xkꞌot ta skuenta te machꞌatik ya snaꞌik spasel te tut ya skꞌan yoꞌtan te Diose.

San Mateo 6:33

Jaꞌ me xꞌawajwalinik nailuk te Diose sok oꞌtantayaik spasel te tut ya skꞌan yoꞌtan stukele. Ya me yaꞌbelex spisil te tut ya xtuun awuꞌunike.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

San Lucas 16:16

Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

San Mateo 21:31

“¿Machꞌa ta xchebalik ya awaꞌi te la spasbe te tut la skꞌan yoꞌtan te state? —xchi te Jesuse. La sjakꞌik: —Jaꞌ te naile —xchiik. Te Jesuse la yal: —Jamal ya kalbeyex, te jkꞌan-tojemaletike sok te jmulawil-antstike ya me xnalajik ochel awuꞌunik te ba ay ta mantal te Diose.

San Lucas 9:2

La stikonlan bael ta yalel te tutꞌil ay ta ajwalinel te Jtatik Diose, sok ta slekutesel jchameletik.

San Marcos 16:17

Sok ya me xchiknaj señailetik ta skuentaik te machꞌatik ya xchꞌuunike. Joꞌon ta jkuenta ay me ya slokꞌesik pukujetik, sok ay me ya xkꞌopoj ta yan kꞌopetik,

Hebreos 12:28

Te joꞌotike ya xꞌakꞌot anukotik yuꞌun Dios te ba ma spas ta nikele. Ya kalbetik kola yal yuꞌun to, sok ya jkejan jbajtik ta stojol Dios. Tulanuk me skꞌoplal ta koꞌtantik te ya jkejan jbajtik te lek ya yile.

San Lucas 10:11

“Te stsꞌubil lumil te alumalik te ay ta koktike ya jkustik jilel yuꞌun seña te ma joꞌukotik ta jkuentatik te ma xꞌachꞌuunike. Pero naꞌbeyaik me sluwar te nopol ya xlijkix ta mantal te Kajwaltik Diose”, ya me awutik.

San Marcos 11:10

¡Ben me tsaꞌam te machꞌa xlijk ta mantale te stsꞌumbal te jtatik Davide! ¡Bayal slekilal te Chꞌul Dios te ay ta chꞌulchane! —xchiik ta aw.

San Mateo 12:18

“Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

San Mateo 12:29

“Jich teme ay machꞌa yoꞌtanuk ya skꞌan yochintaybe sna te kꞌakꞌal winike teme ya skꞌan yichꞌbe bael te tut ay yuꞌune, jaꞌ nail ya xchukbe te yok-skꞌabe. Jich me ya xjuꞌ ya yelkꞌan bael te stutik yuꞌune.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.