San Mateo 12:26 - Nuevo Testamento Tzeltal de Amatenango

²⁶ Jaꞌ jich euk, ¿me ya wan xjuꞌ ya slokꞌes sba stukel te pukuje? Teme jich ya spase, stukel nax ya skontrain sba abi. ¿Tutꞌil kꞌan jalajuk ta aꞌtel teme jiche?

Bible in Tzeltal Bachajón

²⁶ Te Satanás teme ya sten bahel Satanás, ha nix ya scontrahin sba. ¿Bin ut'il c'an halajuc te ban cuentahimbil yu'une?

Bible in Tzeltal de Oxchuc y Tenejapa

²⁶ Ja' nanix jich, ¿ya bal xju' ya sloq'ues sba stuquel te Satanase? Te jichuc ya spase, ja' nax scontroinej sba abi. ¿Bit'il c'an jalajuc ta at'el te jichuque?

San Mateo 12:26 Referans Kwoze

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

Apocalipsis 16:10

Te sjoꞌebal ángele la smal te sbaso ta sba te snaktajib te chanbalam te xiꞌbentik sbae. Jich jil ta ijkꞌal kꞌinal te ba ya xmantalaje. Te gentee ya stiꞌtalan yakꞌik yuꞌun te xkꞌuxul swokolike.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 9:11

Te statal yuꞌun te kꞌulubetike, ja te ángel yuꞌun te chꞌen te lom toyole. Te sbiil ta hebreo-kꞌope: Abadon, y ta griego-kꞌope: Apolion.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Mateo 9:34

Pero te fariseoetike jich a yalik: —Jaꞌ mero statal-pukuj. Jaꞌ yuꞌun ya xjuꞌ yuꞌun te ya slokꞌes te pukujetike —xchiik.

San Mateo 13:19

Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.