San Mateo 12:25 - Nuevo Testamento Tzeltal de Amatenango

²⁵ Te Jesuse la snaꞌ te tut ya yal ta yoꞌtanike. Jich a yaltalanbe: —Te machꞌatik jtul nax rey ay yuꞌunike, teme ya xat sbaike sok teme ya slijk skontrain sbaike, te me ya sjim sbaik ta spisilik a. Jaꞌ jich euk te machꞌatik jun nax jtejklum ayike, o te machꞌatik jun nax na ayike, teme ya xat sbaike, ma xjalajik ta balmilal yuꞌun.

Bible in Tzeltal Bachajón

²⁵ Na'bot yo'tanic yu'un te Jesús, hich halbotic: Spisil banti junax cuentahimbil te ya scontrahin sba, ya me xjihn, soc spisil pueblo o na te ya scontrahin sba, ma ba ya xhalaj.

Bible in Tzeltal de Oxchuc y Tenejapa

²⁵ Jesús la sna' stojol te bila la yaan yo'tanique. Jich caj yalbey yaiyic: —Te mach'atic jtul nax muc' ajwalil ay yu'unique, teme ya xat sbaique soc teme ya xjajch' scontroin sbaique, tey ya sjin sbaic ta spisilic a. Ja' nanix jich uuc te mach'atic jun nax lum ayique, o te mach'atic jun nax na ayique, teme ya xat sbaique ma ba ya xjalajic ta q'uinal yu'un.

San Mateo 12:25 Referans Kwoze

Gálatas 5:15

Ila me abaik, porke te jaꞌexe teme la atiꞌ abaik y sok teme ya atam abaik ta pletoe, tey me ya awilik a te jkꞌaxel ya ajim abaik ae.

1 Corintios 2:11

Porke ¿machꞌa winketikil te ya xjuꞌ yuꞌun snaꞌel te tut ay ta yoꞌtan te winike? Yuꞌun jaꞌ nax stukel te winike te ya snaꞌ te tut ay ta yoꞌtane. Jaꞌ nax jich te Diose, úniko te Espíritu yuꞌune te ya snaꞌ tutꞌil ay te Diose.

San Mateo 9:4

Te Jesuse la snaꞌ te tut ya yal ta yoꞌtanike. Jich a yalbe: —¿Tut yuꞌun te ma tsaꞌamuk te tut ay ta awoꞌtanike?

Apocalipsis 16:19

Te mam mukꞌul jtejklume oxjajt a lokꞌ a y te mukꞌul jtejklumetik ta balmilale la jim koel. Y te Diose la snaꞌ te mam mukꞌul jtejklum Babiloniae, yuꞌun ya yaꞌbe yuchꞌ te bino yuꞌun te sbaso te nojel ta kastigo yuꞌun te Diose.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

San Marcos 2:8

Te Jesuse ora snaꞌ ta yoꞌtan te ay tut yipalik ta yalel ta yoꞌtanike. Y la sjokꞌobe: —¿Tuꞌun te jich ya awal ta awoꞌtanike?

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.

San Juan 21:17

La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.