San Mateo 12:10 - Nuevo Testamento Tzeltal de Amatenango

¹⁰ Ay jtul winik teꞌa te makꞌ snik sba te skꞌabe. Ay machꞌatik yipalik ta smaliyel te tut ya spas te Jesuse. Sok la sjojkꞌobeyik: —¿Me ya wan spas ta lekutesel jchameletik ta skꞌaalel te kuxo-oꞌtane? —xchiik.

Bible in Tzeltal Bachajón

¹⁰ Ay jtuhl winic tey a te chamen schihal sc'ab. La sjoc'obeyic te Jesús yu'un ya slehbeyic smul a: ¿Lec bal te ya yich' lecubtesel ta sc'ahc'alel cux-o'tan? xchihic.

Bible in Tzeltal de Oxchuc y Tenejapa

¹⁰ Ay jtul winic tey a te sicuben xchial te jch'ix sc'abe. La smaliy yilic te bila ya spas te Jesuse soc la sjojc'obeyic: —¿Ya bal stac' te ya yich' coltayel jchameletic ta sc'aalelal te cux-o'tane? —xiic.

San Mateo 12:10 Referans Kwoze

San Lucas 13:14

Pero te machꞌa yichꞌoj yaꞌtel ta statalil te ba sinagogae ilin yuꞌun, yuꞌun te Jesuse la slekutes ta skꞌaalel kuxo-oꞌtan. La yalbe te genteetike: —Ay wakeꞌ kꞌaal te ya xꞌaꞌtejotike. Jaꞌ ya xtalex a te ya awakꞌ abaik ta lekutesel yuꞌun te achamelike. Ma me jauk a te skꞌaalel kuxo-oꞌtane —xyut.

San Juan 9:16

Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

San Juan 8:6

Te tutꞌil jich a yalbeyike yuꞌun ya yilbeyik yoꞌtan, yuꞌun jich ya slebeyik smul a. Pero te Jesuse la snijan sba koel, y lijk stsꞌiba ta lum sok yal skꞌab.

San Juan 5:10

Jaꞌ yuꞌun te juriyoetike la yalbe te machꞌa lekubixe: —Te ora to skꞌaalel kuxo-oꞌtan. Ma spas te awichꞌoj te awayibe —xyutik.

San Lucas 11:54

Yuꞌun ya smaliyik teme ay tut ma lekuk ya yale yuꞌun jich ya stsakik ta skꞌopik a te Jesuse.

San Mateo 12:2

Te fariseoetike la yilik te tut yipalik ta spasele sok jich a yalbeyik te Jesuse: —Ilawil te jnopojeletik awuꞌune. Yipalik ta spasel te tut ma spas ta pasel ta skꞌaalel kuxo-oꞌtane —xchiik.

San Juan 5:3

sok ay bayal jchameletik te ba yaxinale. Balajtik ta lum ay choketik sok koxoetik sok te machꞌatik sikuben xchial yok-skꞌabike. Yipalix ta smaliyel te ya xlijk stij sba te jaꞌe,

San Lucas 23:2

Teꞌ kꞌo slebeyik smul a. La yalik: —Te winik to ya slijkes kꞌop yuꞌun te jlumaltike. Ya yal te ma xjuꞌ ya jtojtik jtojemaltik yuꞌun te mukꞌul rey Cesare. Y ya yal te jaꞌ Cristo te rey stukele —xchiik.

San Lucas 23:14

y la yaltalanbe: —Te jaꞌexe la awikꞌbikon tal te winik to. Ya awalik te ya slijkes kꞌop te ba jtejklume. Pero la jojkꞌobeyix ta asitik y maꞌyuk a jtabe smul jich tutꞌil te ya awalik te ay smul ta akꞌopike.

San Lucas 20:22

¿Me lek te ya jtojtik te jtojemaltik yuꞌun te Cesare o ma lekuk? —xchiik.

San Mateo 19:3

Ay fariseoetik tijilaj tal ta stojol te Jesuse yuꞌun ya yilbe yoꞌtan. La sjojkꞌobeyik: —¿Me ya spas te ya xchꞌoj sba sok yinam te winike te maꞌyuk slijkibe? —xchiik.

San Marcos 3:2

Te genteetik la smaliyik teme ya xkoltaywan ta skꞌaalel kuxo-oꞌtan te Jesuse, y jachik ya stabeyik smul a.

San Juan 7:23

Jaꞌ yuꞌun teme ya awaꞌbeyik yichꞌ sirkunsision jtuluk chꞌin kerem ta skꞌaalel kuxo-oꞌtan ta skaj te ma xꞌakꞌan ya akꞌaxintaybeyik te smantal te jMoisese, ¿tut yuꞌun te ya awilintayikone te yuꞌun la jlekutesbe skojtol stiꞌbalul jtul winik ta skꞌaalel kuxo-oꞌtane?