San Mateo 11:28 - Nuevo Testamento Tzeltal de Amatenango

²⁸ Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

Bible in Tzeltal Bachajón

²⁸ La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

Bible in Tzeltal de Oxchuc y Tenejapa

²⁸ La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

San Mateo 11:28 Referans Kwoze

San Mateo 11:29

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

San Juan 7:37

Jaꞌ ben tulan skꞌoplal yuꞌunik te último kꞌaal yuꞌun te kꞌine. Te kꞌaal abi, te Jesuse tekꞌa jajchel, y tulan a kꞌopoj. Jich a yal: —Teme ay machꞌa takin yoꞌtane, a me taluk ta jtojol, a me tal yuchꞌ te jaꞌe.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

Gálatas 5:1

Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

San Mateo 23:4

Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik.

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

2 Tesalonicenses 1:7

Y te jaꞌexe ya me yaꞌbeyex a kux awoꞌtanik yuꞌun te awokolile, jich mismo te tutꞌil joꞌotik. Jaꞌ te tut kꞌaalil ya xchiknaj tal te Kajwaltik Jesuse sok te angeletik yuꞌune, te ay spoderike te xpumet sok kꞌajkꞌ te ya xtal ta chꞌulchane.

Hechos 15:10

Jaꞌ yuꞌun, ¿tut yes ya awilbeyik yoꞌtan te ora to te Diose, te ya awaꞌbeyik yijkꞌats te hermanoetik te tut maꞌ juꞌ kuꞌuntik xchꞌuunel sok euk te antibo jmeꞌ-jtatike?

Hechos 20:35

Sil tiempo a kaꞌbeyex awilik te tutꞌil ya skꞌan ya xꞌaꞌtejotik ta jpisiltike, yuꞌun jich me ya jkoltatik te machꞌatik ay nesesidad yuꞌunike. Naꞌaik me te jich yaloj te Kajwaltik Jesuse: “Jaꞌ me ben tsaꞌam slekil te machꞌa ay tut ya yakꞌe ke te machꞌa ya yichꞌe”, xchi me —xchi te jPabloe.