San Mateo 11:26 - Nuevo Testamento Tzeltal de Amatenango

²⁶ Jich Tat te jich a skꞌan awoꞌtan atukele —xchi.

Bible in Tzeltal Bachajón

²⁶ Hichuc, Jtat, yu'un hich la sc'an awo'tan.

Bible in Tzeltal de Oxchuc y Tenejapa

²⁶ Jich, Jtat, te melel jich la sc'an awo'tan atuquel —xi'.

San Mateo 11:26 Referans Kwoze

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Efesios 3:11

Jich a spas to te Diose jich tutꞌil te xchapoj ta sbajtel kꞌinale te jich a kꞌot ta skuenta te Kajwaltik Jesucristoe.

Efesios 1:11

Dios a stꞌujotik ta slijkibal to tal, yuꞌun te jun nax ya xkꞌootik sok te Cristo sok ya me xba kichꞌtik te jmajtantik te xatꞌbilotike. Jich tutꞌil snopoj stukel mismo te Diose, sok ya xkꞌot ta pasel yuꞌun spisil te tut lek ya yile.

Efesios 1:9

Y la yaꞌbotikix jnaꞌtik te tut ya skꞌan yoꞌtan te ma chikanuke, jaꞌ te tut xchapoj stukel mismo te yaloj te jich ya xkꞌot ta pasel yuꞌune.

Romanos 9:18

Jaꞌ yuꞌun, te Diose jaꞌ chikan yoꞌtan stukel te machꞌa ay xkꞌuxul yoꞌtan ta stojol. Sok jaꞌ chikan yoꞌtan euk te machꞌa ya stulantes te yoꞌtane.

San Lucas 10:21

Mismo tiempo a te Jesuse ben kontento kꞌajta yuꞌun te Chꞌul Espiritue. Jich a yal: —Kola awal Jtat, te yajwalat chꞌulchan sok te balmilale, ben bayal te slekil awoꞌtane. Porke jaꞌ la awakꞌtalanbe snaꞌ sluwaril spisil te machꞌatik chꞌin yakꞌoj sbaike. Ma jaꞌuk la awaꞌbe snaꞌ te machꞌatik pꞌijike, sok te machꞌatik ben pꞌij skuyoj sbaike. Jich Jtat, yuꞌun jich a skꞌan awoꞌtan atukel —xchi.

San Lucas 22:42

La yal: —Jtat, teme jich ya skꞌan awoꞌtane, ya xjuꞌ ya akꞌej bael te wokol to. Pero ma me jaꞌuk ya jpas te tut ya skꞌan koꞌtane. Ja me aꞌ pasuk te tut ya skꞌan awoꞌtane —xchi.

San Lucas 23:34

Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

San Juan 11:41

La slokꞌesik te tone, y te Jesuse la skꞌelu moel chꞌulchan. Jich la yal: —JTat, ya kalbeyat kola awal te la awaꞌibonix te jkꞌope.

San Juan 12:27

“Te ora to bayal ayon ta ajtal-oꞌtan. ¿Y tut ya kal? ¿Me ya wan kal: “jTat, koltayaon yuꞌun te wokol to”, me xchon wan? Pero puersa jaꞌ talemon yuꞌun.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.