San Mateo 11:25 - Nuevo Testamento Tzeltal de Amatenango

²⁵ Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

Bible in Tzeltal Bachajón

²⁵ Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

Bible in Tzeltal de Oxchuc y Tenejapa

²⁵ Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

San Mateo 11:25 Referans Kwoze

San Mateo 21:16

Jich te saserdoteetik la yalbeyik te Jesuse: —¿Me ya awaꞌibe sluwar te tut yipalik ta yalel te chꞌin untike? —xchiik. La sjakꞌbe te Jesuse: —Yak, ya kaꞌi. ¿Meꞌn maꞌyuk awilojik ta Sjun Dios te jich ay skꞌoplal to te jich tsꞌibabil?: “Te skꞌayoj te chꞌin untike sok te chꞌin alaletik te ya to xchuꞌunej ya yalik te ben tsaꞌam ta kꞌayojinel te achꞌul-biile”, xchi me —xchi te Jesuse.

San Mateo 16:17

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.

2 Corintios 3:14

Pero te stukelike ni maꞌ kꞌot ta yoꞌtanik te jich aye. Y jich to ta ora to kꞌalal ya yilik te antibo tratee, ma xkꞌot ta yoꞌtanik a, jich tutꞌil makal to sitik yuꞌun te pakꞌe. Yuꞌun mato lokꞌemuk, porke jaꞌ nax ya xlokꞌ ta skuenta te Cristoe.

Hechos 17:24

“Te Dios te la spas balmilal y sok spisil te tutik ay teꞌae, jaꞌ yajwal te chꞌulchane sok te lume. Makꞌ snain temploetik te pasbil ta skꞌab te winketike,

San Juan 11:41

La slokꞌesik te tone, y te Jesuse la skꞌelu moel chꞌulchan. Jich la yal: —JTat, ya kalbeyat kola awal te la awaꞌibonix te jkꞌope.

San Lucas 22:42

La yal: —Jtat, teme jich ya skꞌan awoꞌtane, ya xjuꞌ ya akꞌej bael te wokol to. Pero ma me jaꞌuk ya jpas te tut ya skꞌan koꞌtane. Ja me aꞌ pasuk te tut ya skꞌan awoꞌtane —xchi.

San Lucas 23:34

Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

San Juan 12:27

“Te ora to bayal ayon ta ajtal-oꞌtan. ¿Y tut ya kal? ¿Me ya wan kal: “jTat, koltayaon yuꞌun te wokol to”, me xchon wan? Pero puersa jaꞌ talemon yuꞌun.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

1 Corintios 2:10

Dios la yaꞌbotikix jnaꞌtik te tutik ta skuenta te Espiritue. Yuꞌun te Espiritue ya xjuꞌ yuꞌun te ya yakꞌ ta naꞌel spisil, manchuk me jaꞌ te tut mukꞌul ay yuꞌun stukel te Diose.