San Mateo 11:23 - Nuevo Testamento Tzeltal de Amatenango

²³ Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

Bible in Tzeltal Bachajón

²³ Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic. Te teyuc la yich' pasel ta Sodoma te jchahp a'teliletic te la yich' pasel ta atojol, cuxul c'alal ora te hichuque.

Bible in Tzeltal de Oxchuc y Tenejapa

²³ Jichat uuc lum Capernaúm te atoyoj abaic c'alal ta ch'ulchan, ja'uc me to, c'alal ta infierno ya xch'ojotat coel. Melel te jichuc la yich' pasel jchajp at'eliletic ta banti lum Sodoma jich bit'il te la yich' pasel ta awolilique, chican to ta q'uinal ta ora to te jichuque.

San Mateo 11:23 Referans Kwoze

San Mateo 4:13

Pero ma jalaj te ba jtejklum Nazarete. Jicha ba kuxuyinuk ta jtejklum Capernaum te ay ta tiꞌmare. Namey jaꞌ slum te stsꞌumbal Zabulon sok te stsꞌumbal Neftalie.

Apocalipsis 11:8

Te stiꞌbalulik tixajtik me ya xjil ta kayailtik te ba mukꞌul jtejklum te ba jijpanot ta krus te Yajwalike. Jaꞌ te mukꞌul jtejklum Sodoma sbiil, sok Egipto sbiil ta alel.

Judas 1:7

Jich mismo sok te angeletik abi, jich mismo te Sodoma y Gomora y sok te jtejklum tijajtik ay ae. Jaꞌ a akꞌot ta lajel yuꞌun te tut ma tojuk a spasike te kꞌayik ta spasel mulil ta stiꞌbalulik te sjoy sbaik ta winikile. Jaꞌ yuꞌun la sta swokolik ta kastigo ta kꞌajkꞌ sbajtel kꞌinal, y jaꞌ ejemplo a jil yuꞌun ta spisil genteetik.

Hechos 2:27

porke ma teyuk ya ajilesbon te ba ay te jchꞌenale. Sok ma xꞌawakꞌ kꞌaꞌuk jtiꞌbalul joꞌon te achꞌul awaj-aꞌtelone.

San Lucas 14:11

Porke te machꞌa ya skꞌan akꞌel ta jkuentae ma me aꞌbiluk ta jkuenta ya xkꞌot stukel. Yan te machꞌa chꞌin yakꞌoj sbae jaꞌ me ya xꞌakꞌot ta jkuenta stukel —xchi te Jesuse.

San Mateo 16:18

Joꞌon ya kal te jaꞌat jPedroat, te pꞌej ton kꞌoemat te ya kakꞌ ipajuk a te jchꞌuuneletik kuꞌune. Te jchꞌuuneletik kuꞌune ma xjuꞌ te ya stsalot yuꞌun yip te lajele.

San Mateo 8:5

Kꞌalal yipal ochel bael ta jtejklum Capernaum a te Jesuse, tijilaj tal ta stojol jtul statal-soltaro yuꞌun Roma. Tal skꞌambey pawor te Jesuse.

San Lucas 16:23

Te kꞌalal ayix ta wokol a te jkꞌulej winik te ba ya xbajt te animaetike, la stoy sit. La yil ta jakal te jꞌAbrahame te sjoyinej sba sok te jLazaroe.

San Lucas 4:23

Te Jesuse lijk yaltalanbe: —Jich me ya awalbikon ta puersa: “Te tutꞌil ya akuy aba ta jpoxtawaneje, poxtaya aba atukel”, xchaex me. “Te tut la apas ta Capernaum te la kaꞌitike, jich me xꞌapas euk liꞌ ba alumale”, ya me awutikon —xchi te Jesuse.

San Mateo 17:24

Te kꞌalal kꞌotik ta Capernaum te Jesuse sok te jnopojeletik yuꞌune, te machꞌatik ya skꞌanik tojemal jujun jaꞌbil yuꞌun te mukꞌul templo ta Jerusalen, tal skꞌopon te jPedroe, y la sjojkꞌoyik: —Te maestro awuꞌunike ¿me ya yakꞌ te stojemal yuꞌun te temploe? —xchiik.

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Lucas 10:15

Jichex euk jtejklum Capernaum, akuyojik te aꞌbilex ta jkuenta ya xkꞌoex ta chꞌulchan. Mauk, sino ke ya me awichꞌik chꞌojel ochel kꞌalal ta yutil chꞌen.

Hechos 2:31

Te jDavide yipal ya yilel ta sit kꞌoem, jich a yalbe skꞌoplal te tutꞌil ya xchaꞌkux tal te Cristoe. Sok la yal te ma teyuk ya xjil a te xchꞌulel te baꞌ xchꞌenale, sok te ma teyuk ya xkꞌaꞌ a te stiꞌbalule.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Apocalipsis 6:8

La kil y la jta ta ilel jkojt kawu yax-yaxtik ta ilel y te machꞌa moem aye, “Lajel” xchi te sbiile. Tsꞌakal tal ta spat te machꞌa skuentainej te yawil te animaetike. Y aꞌbot spoder ta xejtꞌuk te xchanxejtꞌel te balmilale, yuꞌun ya smil ta guerra, ta wiꞌnal, ta chamel, y sok ta tiꞌel ta chanbalametik te aylan ta balmilale.

Apocalipsis 20:13

Te mare la yakꞌ entregal te machꞌatik te chamenik aye. Te lajele y sok te yawil animaetike la yakꞌ entregal te machꞌatik teꞌeyik aye. Y spisilik a ichꞌtalanot jkuenta ta juju-tul, chikan te tut spasojike.