San Mateo 11:21 - Nuevo Testamento Tzeltal de Amatenango

²¹ —Te jaꞌat jtejklum Corazin, oꞌol me abaik. Sok te jaꞌat jtejkꞌum Betsaida, oꞌol me abaik euk. Te teꞌuk a yichꞌ pasel a te milagroetik te ba jtejklum Sidon jich tutꞌil te la yichꞌ pasel ta akuentaike, ora me la sujtes yoꞌtanik yuꞌun smulik te jichuke. La me slapik pakꞌ te ya xchꞌixtawane sok la me snajkꞌan sbaik ta tan yuꞌun yajtal yoꞌtanik yuꞌun smulik.

Bible in Tzeltal Bachajón

²¹ ¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

Bible in Tzeltal de Oxchuc y Tenejapa

²¹ —¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

San Mateo 11:21 Referans Kwoze

Hechos 12:20

Te jHerodese ilinem sok te genteetik yuꞌun te jtejklum Tiro y sok te jtejklum Sidon. Jich te jtejklume la snopik te ya xtal skꞌoponik te jHerodese. Ja nail a slekil-kꞌoponik te jBlasto sbiil te aꞌbil tulan yaꞌtel te rey Herodese, yuꞌun stukel xba skꞌopon te reye te ayuk bujtsꞌan kꞌinal ya yaꞌiyike, porke te ba slumal te reye teꞌ ya staik a te tut ya xtuun yuꞌunike.

San Juan 12:21

Te griegoetik to tijilajik tal te ba ay te jFelipee te talem ta Betsaida te jun jtejklum yuꞌun Galileae. Ba skꞌanbeyik pawor ta stojol: —Mam bankil, ya jkꞌan kiltik euk te Jesuse —xchiik.

San Lucas 9:10

Te kꞌalal sujtik tal te apostoletike, jul yalbeyik te Jesuse te tuti spasike. Te Jesuse parte yikꞌtalan bael ta jochol luwar te tijil ay sok te jtejklum Betsaidae.

San Marcos 6:45

Patil to, Jesus la yalbe te jnopojeletik yuꞌune te a moꞌuk ta ba barko yuꞌun ya xkꞌaxik bael ta jtejklum Betsaida stukelik. Te Jesuse jil to ta skꞌoponel jilel te genteetike.

San Mateo 15:21

Lokꞌ bael teꞌa te Jesuse, bajt ta slum Tiro sok Sidon.

Judas 1:11

¡Oꞌol me sbaik! Porke jaꞌ stamojbeyik sbe te jCaine. Ta skaj nax sganar takꞌin te ya xlaj chꞌay baele, jachꞌik tutꞌil te jBalaame. Y jich tutꞌil te jCore, ya xlaj cham yuꞌun te xkꞌaxemule.

San Juan 1:44

Te jFelipee jaꞌ slumal te Betsaidae. Teꞌ talem ekꞌa te jꞌAndrese sok te jPedroe.

San Lucas 6:17

Te Jesuse kojtal te ba wits sok te jnopojeletik yuꞌune, tekꞌel julel ta slomle. Teꞌ stsoboj sbaik bayal a te machꞌatik tsꞌaklibil yuꞌune, sok bayal genteetik te talemik ta estado yuꞌun Judea, sok ta Jerusalen, sok ta jtejklum Tiro sok ta jtejklum Sidon te ayik ta tiꞌmare. Yuꞌun tal yaꞌibeyik sluwaril skꞌop te Jesuse sok tal yakꞌ ta lekutesel te xchamelike.

San Marcos 8:22

Patil kꞌoik ta Betsaida. Ay machꞌatik la yikꞌik tal tul chok te ba Jesus. La yalbe wokol te yakuk spikbe ta skꞌab.

San Marcos 7:31

Te Jesus lokꞌ bael ta slumal te jtejklum Tiro. Kꞌax bael ta jtejklum Sidon sok ta slumal Decapolis. Kꞌot ta tiꞌjaꞌ yuꞌun Galilea.

San Marcos 3:8

Kꞌalal la yaꞌiyik te lom mukꞌ tutik ya spas te Jesuse, talik bayal genteetik ta Judea, sok ta jtejklum Jerusalen, sok ta Idumea, sok ta ba ay jechjaꞌ Jordan, sok ta jtejklum Tiro, sok ta jtejklum Sidon. Tal yilik te Jesuse.

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

San Mateo 11:22

Pero ya kalbeyex: Tulan me kastigo ya yichꞌ te jtejklum Corazin sok te jtejklum Betsaida te tut ora ya xꞌilbot yaꞌtelik yuꞌun Dios te genteetike. Yan te jtejklum Tiro sok Sidon ma sta jich kastigo ya yichꞌ stukelik.

Hechos 27:3

Ta xchebal kꞌaal kꞌootik ta jtejklum Sidon te ba ya xꞌolan barkoe. Te jPabloe teꞌ kꞌuxutayot yuꞌun a te statal soltaro Julioe, yuꞌun akꞌot bael ta yulutayel te yamigotak te teꞌelan ae yuꞌun jich me ya sta tal tut ya sweꞌ chꞌinuk a.

San Lucas 4:26

Pero te jꞌEliase ma teyuka tikonot bael te ba ay te meꞌbaꞌ-antstik te ayik ta Israele. Teꞌ tikonot bael yuꞌun Dios te ba sna jtul meꞌbaꞌ-ants te ay ta jtejklum Sarepta te nopol ay sok Sidon.

San Marcos 7:24

Lokꞌ bael teꞌ a te Jesuse, bajt ta jtejklum Tiro sok jtejklum Sidon. Och ta na te a te Jesuse. Ma skꞌan te ay machꞌa ya yaꞌi te ba aye, pero ma juꞌ yuꞌun te la snakꞌ sbae.

San Mateo 26:24

Jich te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun Diose. Pero oꞌol me sba te winik te ya xꞌakꞌot entregal yuꞌune. Jaꞌ lek te jichuk maꞌ pꞌejkaj ta balmilale —xchi te Jesuse.

Apocalipsis 6:12

Te kꞌalal la xchꞌiꞌ te swakebal seyo te Chꞌin Karnerae, la kil tal jun tulan jikichab. Te kꞌajkꞌale ijkꞌ a sujt jachik tutꞌil kꞌuꞌul-pakꞌal te skuenta ajtal-oꞌtane; te ue spisil tsaj a sujt jachik tutꞌil chꞌichꞌ;

Apocalipsis 11:3

Y joꞌon ya jtikon bael cheb testigoetik sok skꞌuꞌ-spakꞌik te ay xchꞌixale te ya xkꞌopojik mil dosientos sesenta kꞌaal ta joꞌon jkuenta.