San Mateo 11:13 - Nuevo Testamento Tzeltal de Amatenango

¹³ Spisil te jꞌalwanejetik yuꞌun te Diose sok te mantaliletik yuꞌun te jMoises la yalik te tutꞌil ya xtal te machꞌa ya xmantalaje, jaꞌ to kꞌalal tal te Juane.

Bible in Tzeltal Bachajón

¹³ Spisil te jalwanejetic soc te Ley la yalic sc'op Dios ha to ta yorahil te Juan.

Bible in Tzeltal de Oxchuc y Tenejapa

¹³ Spisil te j'alwanejetic yu'un te Diose soc te mandalile, la yalic te bit'il ay ta ajwalinel te Dios te ay ta ch'ulchane, ja' to c'alal tal te Juane.

San Mateo 11:13 Referans Kwoze

Romanos 3:21

Pero te ora to, parteix ay te mantaliletike. Dios a yakꞌix ta naꞌel te tutꞌil toj ya yilelotik ta stojole. Jich jamal tsꞌibabil jilel ta sjunal te mantaliletike y sok ta sjunal te jꞌalwanejetike.

Hechos 13:27

Yuꞌun te machꞌatik ayik ta Jerusalene y te statal yuꞌunike maꞌ snaꞌik machꞌa a te Jesuse. Ni maꞌ yaꞌibeyik sluwar te tuti yal te jꞌalwanejetik yuꞌun Dios te la yichꞌ ilel ta sinagogaetik te jujun kꞌaal ta skꞌaalel kuxo-oꞌtane. Jicha kꞌot ta pasel ta skuentaik te tut yaloj Dios ta skuenta te jꞌalwanejetik yuꞌun, te tutꞌil la yakꞌik ta milel te Jesuse.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Mateo 11:12

“Jaꞌ to te kꞌalal tal te Juan Akꞌichꞌjaꞌe asta ora to, sok sfuersa lijkix ta pasaw ta mantal te Diose. Te genteetik sok yipik ya sten sbaik ochel.

San Mateo 11:14

Sok te yauk xchꞌuun awoꞌtanik te jaꞌexe, te jꞌElias te jtul jꞌalwanej yuꞌun Dios te ya amaliyik xtale, jaꞌix te Juane.