San Mateo 11:11 - Nuevo Testamento Tzeltal de Amatenango

¹¹ Jamal ya kalbeyex: Ta spisilik te winketike te kꞌaxix ta balmilale maꞌyuk jtuluk te pajal yaꞌtel sok te Juan Akꞌichꞌjaꞌe. Pero te machꞌa chꞌin ay teꞌa te ba ay ta mantal te Diose, jaꞌ me mukꞌ ay yuꞌun te Juane.

Bible in Tzeltal Bachajón

¹¹ Jamal ya calbeyex, spisil mach'atic alataybilic yu'un ants, mayuc chicnajem te c'ax hich sc'oblal a te bin ut'il Juan te J'ac'-ich'-ha'. Pero te mach'a c'ax peq'uel ay ta banti ay te cuentahinel yu'un te ch'ulchan ha toyol c'ohem yu'un te Juan.

Bible in Tzeltal de Oxchuc y Tenejapa

¹¹ “Jamal ya calbeyex, ma'yuc jtuluc chicnajem ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel yac'oj sba ta yajwalinel te Dios te ay ta ch'ulchane, ja' me cajal xc'ot yu'un te Juane.

San Mateo 11:11 Referans Kwoze

San Lucas 7:28

Ya kalbeyex te maꞌyuk jtuluk jꞌalwanej chiknajem ta yolil genteetik te pajal yaꞌtel sok te Juan Akꞌichꞌjaꞌe. Pero te machꞌa chꞌin ay te ba ay ta ajwalil te Jtatik Diose, jaꞌ me mukꞌ ay yuꞌun te Juane —xchi te Jesuse.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

San Juan 1:15

Te Juane la yakꞌ sba ta testigo yuꞌun. Jich a yal: —Jaꞌ to jaꞌ te machꞌa la kalbe skꞌoplal te ya xtal ta patil kuꞌune, te jaꞌ mas ay ta jkuenta stukel ke te joꞌone. Porke ayix a stukele te kꞌalal ma to ayukon a te joꞌone —xchi te Juane.

San Mateo 5:19

Jich yuꞌun te machꞌa ya xchꞌaybe skꞌoplal pꞌaluk te mantaliletike, manchuk me chꞌin nax ay skꞌoplal, sok teme jich ya yaꞌbey snop te genteetike, jich me maꞌyuk skꞌoplal ta ilel ya xkꞌot te ba ay ta mantal te Diose. Pero te machꞌa ya xchꞌuun spasel sok teme jich ya snojpꞌeswane, jaꞌ me aꞌbil ta jkuenta ya xkꞌot te ba ay ta mantal te Diose.

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

San Lucas 9:48

Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

1 Pedro 1:10

Te namey antibo jꞌalwanejetike la snopik ta lek sok la sbeleltesik te tutꞌil ay te kolele, y la yalik te tutꞌil ay slekil yoꞌtan te Dios te ay tut ya xba yaꞌbeyexe.

Hebreos 11:40

Porke ayotik ta jkuenta yuꞌun te Diose te ya yaꞌbotik te tut a te ben tsaꞌame. Yuꞌun ma me stukelikuk nax ya yichꞌik te tut ben tsaꞌame, ya me kichꞌtik ekꞌa te joꞌotike.

1 Corintios 15:9

Yuꞌun te joꞌone jaꞌ mas pekꞌ ayon yuꞌun te apostoletike. Y ni ma spas te apostol ya yalbelone, porke la jtentalan te hermanoeitk ta stojol Diose.

1 Corintios 6:4

Jich yuꞌun, teme jaꞌex te ay akꞌopik ta skuenta nax te akuxlejalik ta balmilale, ¿tuꞌun te ya xba akꞌanik meltsaanel ta stojol alkal te ni ma snaꞌbeyik sluwar te tutꞌil jchꞌuunejtik te Diose?

San Juan 10:41

Bayal genteetik a ba yilik, y la yalik: —Te Juane maꞌyuk a spas seña milagroetik jich tutꞌil to; pero batsꞌi jich spisil te tuti yalbe skꞌoplal te winik to —xchiik.

San Juan 3:30

Jaꞌ me kꞌunkꞌun moel ay bael skꞌoplal stukel; yan te joꞌone yanyan me ya xlaj bael jkꞌoplal —xchi te Juane.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

San Juan 1:27

jaꞌ te machꞌa patil ya xtal kuꞌune. Te joꞌone ni ma spas ya jkujan jba ta spolbeyel te yakꞌil swawe —xchi te Juane.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Efesios 2:3

Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

2 Timoteo 1:10

La yakꞌix ta ilel te skꞌuxul yoꞌtan te ora to te xtaluk te jKoltawanej kuꞌuntik, jaꞌ te Jesucristoe, te tal slajinbey spoder te lajele, sok ta skuenta te skꞌoplal te kolele te la yakꞌ ta ilel te kuxlejal te ma xlaje.

San Lucas 1:15

Yuꞌun te anichꞌane mukꞌ me ya xkꞌot ta sit te Diose. Makꞌ me yuchꞌ bino sok te yanetik uchꞌbalile. Nojelix ta yoꞌtan te Chꞌul Espíritu te tut ora ya xꞌayine.

San Mateo 3:1

La sta stiempoil te tal te ba ay tꞌantꞌan kꞌinal yuꞌun Judea te Juan Akꞌichꞌjaꞌe.

San Mateo 11:10

Yuꞌun jaꞌa nix a te Juan te tsꞌibabil jilel skꞌoplal ta Sjun te Diose: “Ya me jnalates bael ta atojol jtul jꞌalwanej kuꞌun, yuꞌun ya me xchapbeyat abe, xchi me.

San Mateo 11:12

“Jaꞌ to te kꞌalal tal te Juan Akꞌichꞌjaꞌe asta ora to, sok sfuersa lijkix ta pasaw ta mantal te Diose. Te genteetik sok yipik ya sten sbaik ochel.