San Mateo 10:8 - Nuevo Testamento Tzeltal de Amatenango

⁸ Sok ya me alekutesik te machꞌatik ayik ta chamele, sok ya me akusesik te machꞌa chamene. Sok ya me achꞌaybe xchamel te jkꞌaꞌel-chameletike, sok ya me alokꞌesik te pukujetike. Te jaꞌexe majtan me la ataik te apoderike. Ma me xꞌakꞌan atojolik a, majtan me xꞌawakꞌik jil euk.

Bible in Tzeltal Bachajón

⁸ Ya me alecubteslanic jchameletic soc jc'a'el-chameletic, ya me acha'cuxajtesic mach'a chamenic, soc ya me aloq'ueslanic pucujetic. Ta mahtanil la awich'ic, hich ni me ta mahtanil yac awaq'uic.

Bible in Tzeltal de Oxchuc y Tenejapa

⁸ Soc ya me alamantesic jchameletic, soc jc'a'el-chameletic, soc ya me acuxesic animaetic, soc ya me aloq'uesic pucujetic. Ta majt'anil la cac'beyex; ac'aic ta majt'anil uuc.

San Mateo 10:8 Referans Kwoze

Hechos 3:6

Pero te jPedroe la yalbey: —Maꞌyuk plata ni oro kuꞌun. Pero te tut ay kuꞌune ya kaꞌbeyat. Ta skuenta te Jesucristo ta Nazarete jajchan y benan —xchi te jPedroe.

Hechos 4:30

Sok ta skuentauk apoder aꞌ koluk jchameletik y aꞌ pasuk seña milagroetik ta sbiil te achꞌul awaj-aꞌtel Jesuse —xchiik.

San Lucas 10:9

Lekutesbeya xchamelik te jayeb ayik ta chamel teꞌ ae. Y jich me xꞌawalbeyik: “Nopol ya xlijkix ta mantal te Kajwaltik Dios te ba ayexe —xchaex me.

San Mateo 10:1

Te Jesuse la yikꞌ tal te lajchaytul jnopojeltik yuꞌune. La yakꞌtalanbe yichꞌ yaꞌtelik ta slokꞌesel pukujetik sok ta slekutesel spisil tutikuk nax chamelil sok te tutik kꞌux ta aꞌiyele.

San Marcos 16:18

sok ay me ya stsak ta skꞌabik tiꞌawal chanetik, sok aunke ya yuchꞌik benenoe, ma tut ya spasbot yuꞌun. Sok ya me skajanbe skꞌabik ta sjol te jchameletike y ya xkol yuꞌunik —xchi te Jesuse.

San Mateo 10:7

Baanik, alaik bael: “Nopol ya xlijkix ta mantal te jTatik Diose”, xchaex me.

San Mateo 10:9

“Ma me xꞌawichꞌ atakꞌinik, ni oro, ni plata, ni kobre.