San Mateo 10:42 - Nuevo Testamento Tzeltal de Amatenango

⁴² Sok te machꞌa ya yaꞌbey junuk tasa sikil jaꞌ te machꞌatik chꞌin yakꞌoj sbaik skaj te jnopojel kuꞌune, jamal ya kalbeyex, ay me smajtan ya yichꞌ —xchi te Jesuse.

Bible in Tzeltal Bachajón

⁴² Mach'ayuc a te ya ya'be junuc vaso siquil ha' jtuhluc te peq'uel ay te bin ut'il ha jnopojel, jamal ya calbeyex te ma ba ya xch'ay te smahtane, xchi te Jesús.

Bible in Tzeltal de Oxchuc y Tenejapa

⁴² Soc te mach'a ya yac'bey yuch' junuc tasa siquil ja' te mach'atic peq'uel sc'oplalic ta scaj te jnopojel cu'une, jamal ya calbeyex, ma xch'ay te smajt'an ya yich'e —xi' te Jesuse.

San Mateo 10:42 Referans Kwoze

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

2 Corintios 8:12

Porke te machꞌa batsꞌi jich ya skꞌan yakeꞌ, Dios ya yichꞌ te majtanil te machꞌa jich ya yakꞌ te ya xjuꞌ yuꞌune. Te Diose ma yauk skꞌanbe te machꞌa maꞌyuk yuꞌune.

San Lucas 6:35

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.

San Lucas 17:2

Te machꞌa ya syales ta mulil jtuluk te machꞌatik chꞌin yakꞌoj sbaike, jaꞌ lek te yauk yichꞌ chukel ta snukꞌ junuk chaꞌ, ya xchꞌojot ochel ta mar.

San Mateo 18:14

Jich euk te aTatik te ay ta chꞌulchane ma skꞌan teme ya xchꞌay jtuluk te machꞌa chꞌin ayike.