San Mateo 10:40 - Nuevo Testamento Tzeltal de Amatenango

⁴⁰ “Te machꞌa ya yikꞌex ta snae, joꞌon a yikꞌonix ta sna euk. Sok te machꞌa ya yikꞌon ta snae, jaꞌ la yikꞌix ta sna euk te machꞌa stikonejon tale.

Bible in Tzeltal Bachajón

⁴⁰ Te mach'a ya yiq'uex, ho'on me ya yic'on abi; te mach'a ya yic'on, ha me ya yic' te Mach'a la sticonon tale.

Bible in Tzeltal de Oxchuc y Tenejapa

⁴⁰ “Te mach'a ya yiq'uex ta snae, jo'on la yic'onix ta sna uuc, soc te mach'a ya yic'on ta snae, ja' la yiq'uix ta sna uuc te Mach'a sticunejon tele.

San Mateo 10:40 Referans Kwoze

San Juan 13:20

Jamal ya kalbeyex: Te machꞌa ya yakꞌ ta jkuenta te machꞌa joꞌon ya jtikone, joꞌon a yakꞌonix ta jkuenta abi. Y te machꞌa ya yakꞌon ta jkuentae, jaꞌ a yakꞌix ta jkuenta euk te Machꞌa la stikonon tale —xchi te Jesuse.

San Lucas 9:48

Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

San Lucas 10:16

“Te machꞌatik ya yaꞌibe sluwar te akꞌopike, jaꞌ a yaꞌibeyix sluwar jkꞌop abi. Te machꞌatik ya spꞌajexe, joꞌon a spꞌajikonix abi. Te machꞌa ya spꞌajone, jaꞌ a spꞌajix euk te machꞌa stikonejon tale —xchi te Jesuse.

San Mateo 18:5

Sok te machꞌa joꞌon ta jkuenta te ya yikꞌ ta sna jtuluk jich tutꞌil te chꞌin untik to, joꞌon la yikꞌon ta sna abi.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

1 Tesalonicenses 4:8

Jich yuꞌun, te machꞌa ya spꞌaj te nojpesel to, ma jaꞌuk ya spꞌaj jtul winik, sino ke jaꞌ ya spꞌaj te Diose, te jaꞌ la yaꞌbeyex te Chꞌul Espíritu yuꞌune.

Gálatas 4:14

Te chamele jun prewa yuꞌun jaꞌex te ma la achꞌojikon lokꞌel sok ma la apꞌajikon yuꞌun te jchamele. Yuꞌun ben lek la awikꞌikon jich tutꞌil jtul ángel yuꞌun Dios o jich tutꞌil te Cristo Jesuse.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Marcos 9:37

—Te machꞌa ya yikꞌ ta sna ta joꞌon jbiil jich tutꞌil alal to, joꞌon me la yikꞌonix abi. Te machꞌa ya yikꞌon ta snae ma joꞌokon nax te ya yikꞌone, jaꞌ la yikꞌix ekꞌa te Machꞌa la stikonon tale —xchi te Jesuse.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.