San Mateo 10:26 - Nuevo Testamento Tzeltal de Amatenango

²⁶ “Jaꞌ yuꞌun maꞌ me xiꞌanik yuꞌun te genteetike. Jich maꞌyuk tut nakꞌal te ma xchiknaje, sok maꞌyuk tut mukul te ma xꞌakꞌot ta naꞌel sluwarile.

Bible in Tzeltal Bachajón

²⁶ Ha yu'un ma me xaxi'ic; como mayuc bin mucul te ma ba ya yich' chicnajtesel, mayuc bin muquen te ma ba ya xna'ot.

Bible in Tzeltal de Oxchuc y Tenejapa

²⁶ “Jich yu'un ma me x'axi'ic te j'uts'inwanejetique, melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

San Mateo 10:26 Referans Kwoze

San Lucas 8:17

Porke maꞌyuk tut nakbil te max chiknaje sok maꞌyuk mukul-kꞌop te makꞌ xchiknaj ta stojol te genteetike, y puersa ya xchiknaj ta sakil kꞌinal.

San Marcos 4:22

Jich mismo tsꞌin ekꞌa, maꞌyuk tut nakꞌal te ma xkꞌot ta chiknajele, sok maꞌyuk tut mukul a te ma xkꞌo yakꞌ sba ta chiknajele.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

San Mateo 10:28

Ma me xiꞌanik yuꞌun te machꞌa ya skꞌan smilbeyex te atiꞌbalulike, pero ma xjuꞌ yuꞌunik te ya smilbeyex stukel te achꞌulelike. Jaꞌ me xꞌaxiꞌik te machꞌa ya xjuꞌ yuꞌun te ya yakꞌex ta lajel sok te atiꞌbalulike sok achꞌulel te ba kꞌakꞌ te max tupꞌ sbajtel kꞌinale.

1 Pedro 3:14

Pero teme jaꞌ ya xkꞌax awokolik yuꞌun te tut stojil ya apasike, ben me tsaꞌam alekilik yuꞌun. Ma me machꞌa axiꞌik, ni ma me tut xyal awoꞌtanik.

Hechos 4:19

Pero te jPedro sok te Juane la sjakꞌtalanbe: —Nopaik ta lek awaꞌiy te jaꞌexe: ¿me jaꞌ lek ya jchꞌuuntik te tut ya awalike, o jaꞌ lek ta stojol Dios ya jchꞌuuntik te tut yal te Diose?

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.