San Mateo 10:25 - Nuevo Testamento Tzeltal de Amatenango

²⁵ Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

Bible in Tzeltal Bachajón

²⁵ Tic'uc a te jnopojel te pajal ya xc'oht soc te maestro yu'un, soc te a'bat te pajal ya xc'oht soc te yajwale. Teme a'bot sbihilin Beelzebú te tatile, ¿ha'uc to balix a te mach'atic ay yu'un ta sna?

Bible in Tzeltal de Oxchuc y Tenejapa

²⁵ Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

San Mateo 10:25 Referans Kwoze

San Lucas 11:15

Ay yan ya yalik: —Te winik to ya slokꞌes pukujetik ta skuenta Beelzebu te mero tatil yuꞌun te pukuje —ay xchiik.

San Mateo 12:24

Te kꞌalal la yaꞌiybeyik sluwaril te fariseoetike, jich a yalik yuꞌun: —Te winik to jaꞌ ay ta skuenta Beelzebu te mero statal-pukuj. Jicha ya slokꞌes te pukujetike —xchiik.

San Mateo 9:34

Pero te fariseoetike jich a yalik: —Jaꞌ mero statal-pukuj. Jaꞌ yuꞌun ya xjuꞌ yuꞌun te ya slokꞌes te pukujetike —xchiik.

San Juan 7:20

Te gentee la sjakꞌtalan: —Ay pukuj ta awoꞌtan. ¿Machꞌa a te ya smilate? —xchiik.

San Marcos 3:22

Jich talik ekꞌa te maestroetik yuꞌun te mantaliletike te lijkemik tal ta Jerusalen. Jich a yalik: —Jaꞌ i winik to ay ta yoꞌtan te Beelzebu te ajwalil yuꞌun te pukuj. Jaꞌ yakꞌojbey spoder yuꞌun slokꞌesel te pukujetike —xchiik.

San Juan 8:48

Te juriyoetike jich a yalbeyik: —Ay rason te ya kaltik te pajalat sok te samariaetike, y te ay pukuj ta awoꞌtane —xchiik.

San Juan 10:20

Ay bayal te jich a yalike: —¿Tuꞌun te ya awakꞌik ta jkuentae? Porke ya xjowiy, yuꞌun ay pukuj ta yoꞌtan —xchiik.

San Juan 8:52

Te juriyoetik la sjakꞌbeyik: —Te ora to seguro ya jnaꞌtik te ay pukuj ta awoꞌtane. Te jꞌAbrahame sok spisil te jꞌalwanejetike chamik bael. Y te jaꞌate ya awal: “Te machꞌa ya yakꞌ ta jkuenta te jkꞌope makꞌ cham”, te xchate.

San Mateo 12:27

Te jaꞌexe ya awalik ta skuenta Beelzebu te ya jlokꞌes pukujetike. Teme jich te tut ya awalike, ¿machꞌa ta skuenta te ya slokꞌes pukujetik te jnopojeletik awuꞌunike? Teꞌ chikan a te ma jichuk te tut ya awalike.

San Lucas 11:18

Jich ekꞌa te pukuje teme ya xlijk skontrain sbae, ¿Tutꞌil kꞌan jalajuk ta aꞌtel sok spoder teme jichte? Te tutꞌil jich ya kalbeyexe, jaꞌ yuꞌun te ya awalbikon te yipalon ta slokꞌesel pukuj ta spoder te Beelzebue.

San Lucas 11:19

Pero teme jich aye, ¿machꞌa ta skuenta te ya slokꞌes pukujetik te jnopojeletik awuꞌunike? Por eso jaꞌ yuꞌun ta skuenta te jnopojeletik awuꞌunike te chikan a te ma jichuk te tut ya awalike.

San Marcos 10:39

La yalik: —Yak. Ya xjuꞌ kuꞌuntik —xchiik. Jesus la yalbe: —Jich a nix a te ya yaꞌbeyex te wokole, sok te ya awichꞌik ikꞌtinel jachik te tutꞌil ya kichꞌ te joꞌone.