San Mateo 10:23 - Nuevo Testamento Tzeltal de Amatenango

²³ Te tut ora ya xlijk yilbajinex te jtejklume, ananik bael ta yan jtejklum. Jamal ya kalbeyex, ma to ba ya xjoypꞌe ta ilel awuꞌunik a te mukꞌul jtejklumetik ta Israel te ya xtal te Nichꞌanile.

Bible in Tzeltal Bachajón

²³ C'alal ya yuts'inex ta banti jun pueblo, ahnanic bahel ta yan pueblo. Como jamal ya calbeyex te ma to ba lajem abehentaybelic spisil a te pueblohetic yu'un Israel te ya xtal te Nich'anil ay ta scuenta winic.

Bible in Tzeltal de Oxchuc y Tenejapa

²³ Te c'alal ya snutsex in lum to, ananic bael ta yan lum. Jamal ya calbeyex, ma to xnup' ta ilel awu'unic spisil a te lumetic yu'un israeletic te c'alal ya xtal te Nich'anile.

San Mateo 10:23 Referans Kwoze

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

Hechos 17:10

Ajkꞌubalix a te hermanoetike ora stikonik bael kꞌalal ta jtejklum Berea te jPablo sok te Silase. Te kꞌalal laj kꞌot teꞌae, toj a laj bajt ta sinagoga yuꞌun te juriyoetike.

Hechos 8:1

Te Sauloe teꞌey ekꞌa, la yakꞌ sba ekꞌa te milot te jꞌEstebane. Te kꞌaal abi lijk ta jun gran tenel te hermanoetik te ayik ta Jerusalene. Spisilik a pujkejik bael te hermanoetik ta estadoetik yuꞌun Judea sok ta Samaria. Ja xanix a laj jil ta Jerusalen te apostoletike.

San Marcos 13:26

Jich me ya xchiknaj tal ta tokal ta yolil chꞌulchan te Nichꞌanile, te ya xtal sok bayal spoder sok te xojobil te slekilale.

San Lucas 21:27

Jich me ya xchiknaj ta ilel te Nichꞌanile, te ya xtalix ta tokale sok jpoder sok xojobil te stsaꞌamule.

San Lucas 18:8

Ya kalbeyex te ora ya xkoltaywane. Pero te kꞌalal ya xtal te Nichꞌanile, ¿me ay wan machꞌa jun yoꞌtan xchꞌuunej Dios te ya xjul jta ta balmilale? —xchi te Kajwaltike.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

San Mateo 26:64

La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

San Mateo 24:30

Jich me ya xchiknaj ta chꞌulchan te seña te Nichꞌanile. Spisil ta jkaj te genteetik te ayik ta balmilale ya me xkꞌo yokꞌetay sbaik, y ya me yilik te Nichꞌanile. Ya me yilik te yipal ta talel ta tokal ta yolil te chꞌulchane sok jpoder sok bayal xojobil te stsaꞌamule.

Hechos 17:14

Pero te hermanoetike ora a stikonik bael kꞌalal ta tiꞌmar te jPabloe. Yan te Silas sok te jTimoteoe jil ta Berea stukelik.

San Mateo 25:13

“Jaꞌ yuꞌun te jaꞌexe, kuxuluk me awoꞌtanik, yuꞌun ma xꞌanaꞌik tut ora ni te tut kꞌaalil ya xtal te Nichꞌanile —xchi te Jesuse.

San Mateo 24:48

Yan teme ma tsaꞌamuk yoꞌtan te aj-aꞌtelile, teme ya xlijk yal ta yoꞌtan: “Te kajwale ma to wan xtal ta ora”, tem xchie,

San Mateo 24:27

Jich te tut ora ya xtal te Nichꞌanile, jich me ya xchiknaj tal te tutꞌil sansewaletik te ya xtil tal te ba xlokꞌ tal kꞌajkꞌale sok ba xchꞌay kꞌajkꞌale.

San Mateo 23:34

Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume.

San Mateo 4:12

Te kꞌalal la yaꞌiybe sluwar Jesus te ochemix ta prexo te Juane, sujt bael ta estado yuꞌun Galilea.

San Mateo 2:13

Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

Hechos 20:1

Te kꞌalal komix a te kꞌope, te jPabloe la yakꞌ tal ta ikꞌel te hermanoetike, yuꞌun ya stsitstalan jilel. Te nax a laj skꞌoponlan jilel y stukel bajt ta slum Macedonia.

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 23:36

Jamal ya kalbeyex: Jaꞌ me ya akuchik ta apisilik jaꞌex te kuxulex ta balmilal te ora to.

San Mateo 24:34

Jamal ya kalbeyex, ma to xchamik a te genteetik kuxajtik te ora to te spisil ya xkꞌot ta pasel te tuti kalbeyexe.