San Mateo 10:22 - Nuevo Testamento Tzeltal de Amatenango

²² Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

Bible in Tzeltal Bachajón

²² Ya me yihlayex spisilic ta scaj te jbihile, pero te mach'a jun yo'tan ya xhil c'alal ta slajibal, ya me xcol stuquel.

Bible in Tzeltal de Oxchuc y Tenejapa

²² Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

San Mateo 10:22 Referans Kwoze

San Mateo 24:13

Yan te machꞌa ya xjuꞌ yuꞌun kꞌalal ta slajibale, ya me xkol.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

San Marcos 13:13

Ya me spꞌajelex spꞌejel te genteetik yuꞌun te achꞌuunejikone. Te machꞌa ya xkujchꞌ yuꞌun kꞌal ta slajibal kꞌaale, ya me xkol.

San Mateo 10:39

Te machꞌa ya xkꞌuxutay sba sok te xkuxlejale, ya me xchꞌay sok te xkuxlejale. Yan te machꞌa ya xchꞌay xkꞌuxlejal teme joꞌon ta kaje, ya me xkuxuyin stukel.

1 Juan 3:13

Kermanotak, ma me tut xyal awoꞌtanik teme ya spꞌajex te machꞌatik ayik ta skuenta te balmilale.

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Hebreos 6:11

Pero jaꞌ ya jkꞌantik te ta juju-tulex te sigue ya awakꞌik ta ilel te jun awoꞌtanike jaꞌ to ta slajibal kꞌaal, yuꞌun tsꞌakal me ya ataik te tut yipalex ta smaliyele.

San Juan 17:14

Te joꞌone la kalbeyix te akꞌope, pero te genteetik te ayik ta skuenta te balmilale la spꞌajik. Porke te machꞌatik kuꞌune ma yuꞌunuk te balmilale, jich tutꞌil te joꞌon ma yuꞌunukon te balmilale.

Gálatas 6:9

Jich yuꞌun ma me wakꞌ lubukotik ta spasel te tut leke. Porke teme ma xchebaj koꞌtantike, ya me sta stiempoil te ya kilbeyik sit te kaꞌteltike.

San Lucas 6:22

Ben me tsaꞌam alekilik jaꞌex teme ayex ta ilintayel yuꞌun te genteetike, sok teme ya stenex lokꞌele, sok teme ya sbol-kꞌoptayexe, sok teme ya spꞌajex te tutꞌil ma tsaꞌamukex ta skꞌopike teme jaꞌ ta skaj te Nichꞌanile.

2 Corintios 4:11

Yuꞌun te jayebuk kꞌaal kuxulotik te joꞌotike, sil tiempo ayotik ta lajel ta skaj te Jesuse, yuꞌun jich me ya xchiknaj ta jtiꞌbalultik te ya xlaje te tutꞌil ay xkuxlejal te Jesuse.

San Mateo 5:11

“Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

San Juan 7:7

Te genteetik yuꞌun te balmilale makꞌ spꞌajex. Pero te joꞌone ya spꞌajikon, porke ya kalbe ta jamal te tut ma tsaꞌamuk ya spasike.

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Apocalipsis 2:26

“Te machꞌatik ya xjuꞌ yuꞌunik tsalawe y te sigue ya spasik asta ta slajibal kꞌaal te tut ya skꞌan koꞌtane, ya me kakꞌtalanbe yaꞌtel ta stojol te nasionetike,

Hechos 9:16

Joꞌon me ya kaꞌbe snaꞌ spisil te tutik swokolil ya sta ta jkuentae —xchi.

Apocalipsis 2:3

Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

San Lucas 21:17

y spisil genteetik ya me spꞌajex ta joꞌon ta jkaj.

San Lucas 21:19

Junuk me awoꞌtanik; yuꞌun jich me ya xkolex.