San Mateo 10:19 - Nuevo Testamento Tzeltal de Amatenango

¹⁹ Pero te kꞌalal ya stekꞌanelex ta skuenta te juꞌeletike, ma me yajtaluk awoꞌtanik te tutꞌil ya skꞌan ya ajakꞌbeyik te skꞌopike sok te tut ya skꞌan xkꞌo awalike. Jich te tut ora ya xkꞌopojexe, Dios me ya yaꞌbeyex xꞌawalik te tut ya awalike.

Bible in Tzeltal Bachajón

¹⁹ Teme ac'otex ta c'abal, ma me xanopilan ta awo'tanic bin ya xc'oht awalic soc bin ut'il yac ajaq'uic te c'ope, como ta yorahil ya x'a'botex te bin yac awalique,

Bible in Tzeltal de Oxchuc y Tenejapa

¹⁹ Ja'uc me to, te c'alal ya x'ac'otex ta c'abale, ma me xjajch' amel awo'tanic yu'un te bit'il ya sc'an ya xc'opojexe soc te bila ya xc'o awalique. Melel te bi ora ya xc'opojexe, Dios me ya yac'beyex awalic te bila ya sc'an te ya awalique.

San Mateo 10:19 Referans Kwoze

2 Timoteo 4:17

Pero te Kajwaltike la skoltayon y la yaꞌbon jpuersa. Jich a juꞌ kuꞌun yalel te skꞌoplal kolele, y jich a yaꞌiyik spisil te genteetike. Jich te Kajwaltike la skoltayon te ba ay chojetik te ya xtiꞌawane.

San Lucas 12:11

“Te kꞌalal ya yikꞌelex bael ta sinagogaetike, o teme ya stejkꞌanelex ta stojol te alkaletike, sok ta stojol te juꞌeletike, ma me xꞌawakꞌ yajtal awoꞌtanik yuꞌun te tut ya skꞌan ya ajakꞌbeyik te skꞌopike sok te tut xkꞌo awalike.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

San Mateo 6:31

Ja yuꞌun ma me xꞌawakꞌ yajtal awoꞌtanik: “¿tutꞌil ya jta ta leel jweꞌel sok jkꞌuꞌ-pakꞌ?” ma me xchaukex ta ajtal-oꞌtan.

San Mateo 6:25

“Jaꞌ yuꞌun ya kalbeyex, ma me xꞌawakꞌ yajtal awoꞌtanik yuꞌun te tut ya aweꞌ ya awuchꞌik te kuxulex ta balmilale, sok te ya ata akꞌuꞌ-apakꞌike. Maꞌ jaꞌuk tulan skꞌoplal te aweꞌelike. Jaꞌ tulan skꞌoplal te akuxlejalike. Sok ma jaꞌuk tulan skꞌoplal te akꞌuꞌ-apakꞌike. Jaꞌ tulan skꞌoplal te atiꞌbalulike.

Filipenses 4:6

Ma me tut ya yakꞌ yajtal awoꞌtanik yuꞌun. Jaꞌ ya skꞌan ya akꞌoponik Dios yuꞌun ta spisil te tut ya xtuun awuꞌun, y albeyaik kolayal ekꞌa.

Hechos 6:10

pero ma juꞌ yuꞌunik te ya stsalik ta kꞌope. Porke jaꞌ ya yal te tut aꞌbil spꞌijil yoꞌtan yuꞌun te Chꞌul Espiritue.

San Mateo 6:34

Ma me xꞌawakꞌ yajtal awoꞌtanik yuꞌun te tut ayex te pajele. Stukel a me yil sba te pajele. Tey a te jayeꞌ swokolil te jujun kꞌaale.

San Mateo 10:18

sok ya me yikꞌelex bael ta stojol juꞌeletik sok ta sit gobierno ta skaj te achꞌuunejikone. Jich me testigo ya xkꞌoex kuꞌun te stojolik sok ta stojol te machꞌa ma snaꞌbeyik sba te Diose.

San Lucas 12:12

Porke te kꞌalal ya sta yorail te ya xkꞌopojexe, te Chꞌul Espiritue ya me yaꞌbeyex anaꞌik te tut xkꞌo awalike —xchi te Jesuse.