San Mateo 10:16 - Nuevo Testamento Tzeltal de Amatenango

¹⁶ “Ilawilik ya jtikonex bael jich tutꞌil karnera ta yolil te genteetike te pajal sok jweꞌawal teꞌtikil tsꞌiꞌetik ta atojolike. Pꞌijanik me jich tutꞌil pꞌij te chane. Sok manso me xꞌawakꞌ abaik ta stojol te genteetike jich tutꞌil manso te palomae.

Bible in Tzeltal Bachajón

¹⁶ Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

Bible in Tzeltal de Oxchuc y Tenejapa

¹⁶ “Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

San Mateo 10:16 Referans Kwoze

San Lucas 10:3

Baanik me, aꞌ me kꞌotuk ta awoꞌtanik te jich kꞌoemex tutꞌil karnera te ya jtikonex bael ta yolil te genteetike, te jaꞌ pajal kꞌoem sok te jweꞌawal chojetike.

Filipenses 2:15

Jich me maꞌyuk machꞌa ay smul sok maꞌyuk palta ay awuꞌunik a. Jich me ya xꞌanex tutꞌil yal-xnichꞌan Dios ta yolil te gente te ma lekuk sok te ma tsaꞌamuk yoꞌtanike. Yuꞌun jich kꞌoemex ta yolilik tutꞌil ekꞌetik te ya xtil ta ijkꞌal kꞌinal ta balmilale.

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

Colosenses 4:5

Pꞌij me xꞌawakꞌ abaik yuꞌun te machꞌatik ma xchꞌuunejuk Diose. Y lekuk xꞌatuuntesik te tiempoe.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

Hechos 20:29

Ya jnaꞌ te kꞌalal boemonix ae, ya xtal yan jich tutꞌil tiꞌawal teꞌtikil tsꞌiꞌ te ya xlijk yilbajin jichuk karnera te hermanoetik te ma xpichꞌuk yoꞌtane.

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

1 Tesalonicenses 5:22

Pita me abaik yuꞌun spisil ta jkaj te tut ma lekuke.

2 Corintios 11:14

¿Tuꞌun wan ma jichuk ya spasike?, yuꞌun te pukuje ya skuy sba te jaꞌ ángel yuꞌun te sakil kꞌinale.

1 Tesalonicenses 2:10

Jaꞌex testigoex yuꞌun, y jaꞌ testigo euk te Diose, te tutꞌil maꞌyuk mulil ta koꞌtantik y toj a anotik, sok maꞌyuk ba jta jmultik ta atojolik.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 8:20

Jaꞌ ya jkꞌantik te maꞌyuk machꞌa ya slebotik jmultik yuꞌun te bayal majtanil te yipalotik ta stsobele.

San Mateo 24:25

La me kalbeyex nailuk.

San Mateo 24:45

“Jich tutꞌil to te aj-aꞌtelil te jun yoꞌtan sok ay spꞌijil yoꞌtan, aꞌbot skanantay te yanetik jꞌaꞌteliletik ta sna te yajwale. Ya yaꞌbe sweꞌelik ta juju-chꞌoj te ya xweꞌike.

San Mateo 25:2

Ay joꞌtul te maꞌyuk spꞌijil yoꞌtanike sok ay joꞌtul te ay spꞌijil yoꞌtanike.

San Mateo 25:4

Yan te machꞌatik ay spꞌijil yoꞌtanike la yichꞌik xan bael spetrolioik ta limeta sok la yichꞌik bael te skantilike.

San Mateo 25:9

Te aꞌchetik te ay spꞌijil yoꞌtanike la yalik ta spisilik: “Ma xjuꞌ, porke ma xjuꞌotik ekꞌa te joꞌotike ni te jaꞌexe. Jaꞌ lek baan manaik tal awuꞌunik te ba ya xchonote”, xyutik.