San Mateo 10:15 - Nuevo Testamento Tzeltal de Amatenango

¹⁵ Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

Bible in Tzeltal Bachajón

¹⁵ Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

Bible in Tzeltal de Oxchuc y Tenejapa

¹⁵ Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

San Mateo 10:15 Referans Kwoze

2 Pedro 2:6

Dios la yakꞌ xan bael ta kastigo te la slajin te mukꞌul jtejklumetik te Sodoma y te Gomorrae. Chikꞌtalanot asta tan a laj jil. Yuꞌun jaꞌ ejemplo ya yil ta patil te gente te ma lekikuk te ya xkuxuyinike.

1 Juan 4:17

Jaꞌ yuꞌun te batsꞌi jich ay te xkꞌuxul koꞌtantike yuꞌun ay me smukꞌul koꞌtantik te tut kaalil te ya yichꞌelotik ta jkuentae. Porke te joꞌotike yipalotik ta aꞌtel ta balmilal jich tutꞌil aꞌtej te Jesucristoe.

2 Pedro 3:7

Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.

2 Pedro 2:9

Te Kajwaltike snaꞌoj tutꞌil ya skoltay te machꞌatik ya xtal ta sujel ta mulile te jun yoꞌtan xchꞌuunej Diose. Y snaꞌoj tutꞌil ya skꞌej te machꞌatik ma lekikuke te ya yichꞌik kastigo yuꞌun te tut kꞌaalil ya xkꞌot te chapele.

San Marcos 6:11

Teme ay jtejklum te ma skꞌan yikꞌexe sok ma skꞌan yaꞌiyik te tut ya awalike, lokꞌanik bael tsꞌin teꞌa. Sok tijtina jilel te stanil awoke. Jaꞌ seña ya yilik te ay ta skuentaik te ma skꞌan xchꞌuunike —xchi te Jesuse.

San Mateo 12:36

Sok ya kalbeyex awaꞌiyik, spisil ta jpꞌal kꞌop te ma xtuun te yaloj ta stiꞌ te genteetike ya me xjojkꞌobot te tut ora ya sta yorail yuꞌun Dios te ya xꞌilbot yaꞌtelike.

San Mateo 5:18

Jamal ya kalbeyex: Te jayeb xan kꞌaal te mato xlaj te chꞌulchan sok te balmilale, ni junuk chꞌin letra ni junuk punto ya xchꞌay skꞌoplal yuꞌun te mantaliletike, jaꞌ to teme kꞌot ta pasel spisile.

San Mateo 7:22

Ta slajibal kꞌaal ay me bayal ya yalbikon: “Kajwal, Kajwal, ¿me yuꞌun wan maꞌyuk a kaltik akꞌop te joꞌotike? Sok la jlokꞌestik pukujetik ta akuenta. Sok ta akuenta la jpastik bayal ta kaj milagroetik”, xchiik me ta jtojol.

San Juan 6:39

Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

Hechos 17:31

Yuꞌun snaꞌojix te Diose te tut kꞌaalil ya yichꞌbe jkuenta yaꞌtel te gentee, ta skuenta te jtul winik te la stꞌuje, jaꞌ te Jesuse. Jamal a akꞌtalanbot yil spisil te kꞌalal la xchaꞌkuses tal te ba ay animaetike —xchi te jPabloe.

1 Corintios 3:13

Pero te yaꞌtel ta juju-tule ya xkꞌo chiknajuk ta jamal te tut kꞌaalil ya xꞌichꞌot jkuentae. Porke te kꞌaal abi ya xtal sok kꞌajkꞌ. Y te kꞌajkꞌe jaꞌ ya spasot prewa a te tut aꞌtelil a spas te juju-tule.

1 Tesalonicenses 5:4

Pero te jaꞌexe, kermanotak, maꞌyukex ta ijkꞌal kꞌinal, te yuꞌun chꞌayem awoꞌtanik te tut kꞌaalil te ya sujt tal te Kajwaltike, jich tutꞌil ya xtal te jꞌelekꞌe.

Hebreos 10:25

Ma me jkom bajtik te ya jtsobilan bajtik, jich tutꞌil ya spasik te jtul chebe. Ya me skꞌan ya kaꞌbe bajtik spuersa koꞌtantik ta juju-tul. Y jaꞌuk to a te kꞌalal ya kiltik te xnopet ya xtal te skꞌaalel yuꞌun te Kajwaltike.

Judas 1:6

Y sok te angeletik te ma yakꞌik ta jkuenta te yaꞌtel aꞌbilike, sino ke la sjilesik te sluwarik ba ayike, jmel nax chuktalanbil ta ijkꞌal kꞌinal yuꞌun te tut ora ya sta skꞌaalel te ichꞌel ta jkuenta yuꞌun te Diose.

Judas 1:7

Jich mismo sok te angeletik abi, jich mismo te Sodoma y Gomora y sok te jtejklum tijajtik ay ae. Jaꞌ a akꞌot ta lajel yuꞌun te tut ma tojuk a spasike te kꞌayik ta spasel mulil ta stiꞌbalulik te sjoy sbaik ta winikile. Jaꞌ yuꞌun la sta swokolik ta kastigo ta kꞌajkꞌ sbajtel kꞌinal, y jaꞌ ejemplo a jil yuꞌun ta spisil genteetik.