San Mateo 1:23 - Nuevo Testamento Tzeltal de Amatenango

²³ “Ay jtul soltera achꞌix ay me tut ya sta, ya me xꞌayin chꞌin yal. Te sbiil ya xkꞌot awuꞌunike: Emanuel”, xchi me. Te tutꞌil Emanuel xchi te sbiile, “Sjoyinejotik te Diose”, xchi kꞌoem.

Bible in Tzeltal Bachajón

²³ Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Bible in Tzeltal de Oxchuc y Tenejapa

²³ “Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

San Mateo 1:23 Referans Kwoze

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

2 Timoteo 4:22

Te Kajwaltik Jesucristoe a me sjoyinat y te Diose a me yaꞌbeyex te slekil yoꞌtan ta apisilik te jaꞌexe. Jichuk.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

2 Corintios 5:19

Jaꞌ bi, ta skuenta Cristo, Dios yipal ta yakꞌel te ya xjunaj yoꞌtan sok te machꞌatik ayik ta balmilale. Ni ma jaꞌuk ya snaꞌbe smulik te genteetike. Y joꞌotik a yaꞌbotik kaꞌteltik te ya kakꞌtalanbetik snaꞌ te skꞌoplal to.

Hechos 18:9

Ay jun ajkꞌubal a wayuchej te jPabloe, albot yuꞌun te Kajwaltike: —Ma me xiꞌan. Akꞌa me puersa yalel te jkꞌope. Ma me akom aba.

2 Timoteo 4:17

Pero te Kajwaltike la skoltayon y la yaꞌbon jpuersa. Jich a juꞌ kuꞌun yalel te skꞌoplal kolele, y jich a yaꞌiyik spisil te genteetike. Jich te Kajwaltike la skoltayon te ba ay chojetik te ya xtiꞌawane.

San Mateo 1:24

Kꞌalal kux yoꞌtan ta wayel te Josee, jich a spas te tuti albot yuꞌun te chꞌul ángel yuꞌun te Kajwaltike. La yikꞌ yinamin te xMariae.

Romanos 8:31

¿Tut mas ya kaltik? Teme Dios ayotikix ta koltayel yuꞌune, maꞌyuk machꞌa ya xjuꞌ te ya skontrainotike.

San Lucas 20:44

¿Tutꞌil ay te jaꞌ stsꞌumbal jDavid te Cristoe? Yuꞌun mismo te jDavide la yalbe: “Kajwal”, xchi —xyut te Jesuse.