San Mateo 1:22 - Nuevo Testamento Tzeltal de Amatenango

²² Spisil ito kꞌot ta pasel yuꞌun jich me ya xkꞌot te tut yaloj te Kajwaltik ta skuenta te jꞌalwanej yuꞌune:

Bible in Tzeltal Bachajón

²² Ta spisil ini hich c'oht ta pasel scuenta yu'un hich ya xc'oht a te bin yaloj te Cajwaltic ta scuenta te jalwanej, te hich la yal:

Bible in Tzeltal de Oxchuc y Tenejapa

²² Spisil in to c'ot ta pasel swenta yu'un jich me ya xc'ot te bila yaloj te Cajwaltic ta swenta te j'alwanej yu'une:

San Mateo 1:22 Referans Kwoze

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Mateo 2:23

Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

San Juan 18:9

Jich a kꞌot ta pasel te tut yaloj te Jesuse: “Te machꞌatik la yaꞌbon ta jkuenta te jTate ni jtul a chꞌay kuꞌun”, xchi me.

San Mateo 13:35

Te tutꞌil jich a yal te Jesuse, jaꞌ akꞌot ta pasel te tut yaloj te antibo jꞌalwanej yuꞌun te Diose te jich a yale: “Ya me kal ta seña-kꞌopetik te tut ma naꞌbot sluwaril jaꞌ to te la spas balmilal te Diose”, xchi me.

San Juan 17:12

Te kꞌalal joy jba sok to ta balmilal ae, la jkanantay y la jkoltay ta skuenta apoder te machꞌatik la awaꞌbone. Ni jtuluk a chꞌay kuꞌun. Jaꞌ nax a chꞌay stukel te machꞌa skꞌoplal ya xchꞌaye, yuꞌun jich me ya xkꞌot ta pasel te tut tsꞌibabil jilele.

San Juan 15:25

Pero puersa jich ya xkꞌot ta pasel to te tut tsꞌibabil jilel te mantaliletik te yichꞌojike: “Maꞌyuk sluwaril te ya spꞌajikone”, xchi me.

San Juan 10:35

Y jnaꞌojtik te ma xjuꞌ ta chꞌayel te tut ya yal te Sjun Diose. Dios la yal te dios sbiilik te machꞌa ay ta skuenta te skꞌop Diose.

San Mateo 13:21

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skꞌaj te skꞌop Diose, ora ya xchꞌay te xchꞌuuunel yoꞌtanik yuꞌun.

San Mateo 12:17

Jich a yal skuenta yuꞌun jich ya xkꞌot ta pasel te tut la yalbe jilel skꞌoplal te namey jꞌalwanej yuꞌun Dios te jꞌIsaias sbiile te jich a yale:

San Mateo 2:15

Teꞌ ayik a jaꞌ to te cham te Herodese. Jicha kꞌot ta pasel te tut yaloj te Kajwaltike ta skuenta te jꞌalwanej yuꞌune: “Ta Egipto la kikꞌ tal te jnichꞌane”, te xchie.

San Mateo 8:17

Jicha kꞌot ta pasel te tut tsꞌibabil jilel yuꞌun te jꞌalwanej yuꞌun Dios te jꞌIsaias sbiil, te jich a yale: “Stukel a yichꞌbotik bael te jchameltike, sok la xchꞌaybotik spisil te tut kꞌux ya kaꞌitike”, xchi me.

San Mateo 5:17

“Ma me xꞌakuyik te tal jchꞌaybe skꞌoplal te mantaliletik yaloj jilel te jMoisese sok te tut tsꞌibabil jilel yuꞌun te jꞌalwanejetik yuꞌun te Diose. Ma yuꞌunuk tal jchꞌaybe skꞌoplal; yuꞌun tal kakꞌ chiknajuk ta lek te tut sluwarile.

San Lucas 21:22

Porke jaꞌix me skꞌaalel te kastigo ta stojolike. Teꞌ me ya xkꞌot ta pasel a spisil te tut tsꞌibabil jilel skꞌoplal ta Sjun Diose.

Apocalipsis 17:17

Dios la yaꞌbe ta yoꞌtanik te ya spasik tut ya skꞌan yoꞌtan stukel. Ya me spasik akuerdo te reyetik te ya yakꞌ sbaik ta skuenta te chanbalam te lom yane, jaꞌ to teme kꞌot ta pasel te tut yaloj te Diose.

Romanos 1:2

Ta skuenta te jꞌalwanejetik yuꞌune, Dios yalojbeyix skꞌoplal te lekil achꞌ kꞌop to ta xchꞌul sjune.