San Marcos 4:7 - Nuevo Testamento Tzeltal de Amatenango

⁷ Te yan tsꞌunubile kꞌot ta chꞌixetik. Y chꞌi te chꞌixetike y la stenik te tsꞌunubile. Ma yakꞌ sit tsꞌiin.

Bible in Tzeltal Bachajón

⁷ Ay c'oht ta yohlil ch'ixileltic, pero tohy mohel te ch'ixetic, tenot yu'un, hich ma ba sitin.

Bible in Tzeltal de Oxchuc y Tenejapa

⁷ Soc ay c'ot ta bay yolil ch'ixtiquil. Toy moel ta ch'iel te ch'ixetique. Jc'axel tenbil c'ot te awalile. Jich ma ba sitin.

San Marcos 4:7 Referans Kwoze

San Lucas 8:14

Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

San Lucas 12:15

Sok la yaltalanbe: —Ila me abaik te jaꞌexe, ma me xbikꞌta awoꞌtanik yuꞌun te kꞌulejalile. Porke ma jaꞌuk ya xkuxuyinat yuꞌun teme ay bayal tut ay awuꞌune —xchi te Jesuse.

San Lucas 8:7

Sok aya kꞌot ta chꞌixtikil te tsꞌunubile. Pajal a chꞌij tal sok te chꞌixe y tenot yuꞌun.

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Mateo 13:7

Sok ay a kꞌot ta yolil chꞌixetik te tsꞌunubile. Chꞌi moel te chꞌixetike, la stenik te tsꞌunubile.

San Mateo 13:8

Pero ay a kꞌot ta lekil lum. Lek a kꞌot te yijkatse. Te pꞌej nax tsꞌunubil ay a yakꞌ ta sien ta pꞌej te sbakꞌe, ye yane la yakꞌ sesenta ta pꞌej, y te yane treinta ta pꞌej.

San Marcos 4:6

Kꞌalal lokꞌ tal te kꞌajkꞌale la xchikꞌ, yuꞌun maꞌyuk lek yisim. Tsꞌin a takej.

San Marcos 4:8

Te yan tsꞌunubile kꞌot ta lekil lum. Chꞌi moel y toj lek a yakꞌ sit. Ay la yakꞌ treinta ta jpꞌej ta jun tsꞌunubil, te yane la yakꞌ sesenta ta jpꞌej, y te yane sien ta pꞌej —xchi te Jesuse.