San Lucas 9:8 - Nuevo Testamento Tzeltal de Amatenango

⁸ Ay xan yan te ya yalik te jaꞌix te jꞌElias te jꞌalwanej yuꞌun te Diose, y ay yan ya yalik te jaꞌ chaꞌkuxemix tal jtuluk te antibo jꞌalwanejetike.

Bible in Tzeltal Bachajón

⁸ ay yantic yacalic ta yalel te ha Elías te chicnajemix tal; soc ay yantic yacalic ta yalel te ha cha'cuxajemix tal jtuhl jalwanej ta namey.

Bible in Tzeltal de Oxchuc y Tenejapa

⁸ Soc ay yantic yacalic ta yalel te ja'ix te Elías te j'alwanej yu'un te Diose. Soc ay yantic yacalic ta yalel te ja' cha'cuxemix tel jtul te namey q'uinal j'alwanejetique.

San Lucas 9:8 Referans Kwoze

San Juan 1:21

La sjojkꞌobeyik xan: —¿Machꞌaat ate? ¿Me jaꞌat te jꞌalwanej Eliasate? —xchiik. Te Juane la yal: —Ma joꞌukon —xchi. La xchaꞌjojkꞌobeyik xan: —¿Me jaꞌat te jꞌalwanej te skꞌoplal ya xtale? —xchiik. La sjakꞌ: —Ma joꞌukon —xchi.

San Lucas 9:19

La sjakꞌik: —Ay ya yalik te jaꞌat Juanat te Akꞌichꞌjaꞌe. Te yane ya yalik te jaꞌat Eliasate. Sok ay yan ya yalik te jaꞌat jtul te antibo jꞌalwanejat yuꞌun Dios te chaꞌkuxem tale —xchiik.

San Marcos 8:28

La sjakꞌik te jnopojeletike: —Ay ya yalik te jaꞌat Juanat te Akꞌichꞌjaꞌe. Te yanetik ya yalik te jaꞌat Eliasat, sok ay yanetik ya yalik te jaꞌat tulukat te alwanejetik yuꞌun Dios —xchiik.

San Marcos 6:15

Ay yanetik la yalik: —Jaꞌ te Eliase te jꞌalwanej yuꞌun te Diose —xchiik. Y yanetik la yalik: —Jaꞌ te jꞌalwanej yuꞌun Dios te nameye —xchiik.

San Mateo 17:10

Te jnopojeletike lijk sjojkꞌobeyik te Jesuse: —¿Tut yuꞌun te ya yal te maestroetik yuꞌun te mantaliletike te jaꞌ puersa jaꞌ nail ya xtal te jꞌEliase? —xchiik.

San Mateo 16:14

La yalik: —Ay ya yalik te jaꞌat Juanat te Akꞌichꞌjaꞌe; te yane ya yalik te jaꞌat te jꞌEliasate. Sok te yane ya yalik te jaꞌat te Jeremiasate o yan antibo jꞌalwanej yuꞌun te Diose —xchiik.