San Lucas 9:30 - Nuevo Testamento Tzeltal de Amatenango

³⁰ Y chiknaj cheb winketik teꞌa, yipalik ta kꞌop sok te Jesuse. Jaꞌ te jMoises sok te jꞌEliase.

Bible in Tzeltal Bachajón

³⁰ Chicnaj cheb winiquetic te yacalic ta c'op soc, ha te Moisés soc Elías.

Bible in Tzeltal de Oxchuc y Tenejapa

³⁰ Soc chicnaj cheb winiquetic tey a te yacalic ta c'op soc te Jesuse, ja' te Moisés soc te Eliase.

San Lucas 9:30 Referans Kwoze

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Lucas 9:19

La sjakꞌik: —Ay ya yalik te jaꞌat Juanat te Akꞌichꞌjaꞌe. Te yane ya yalik te jaꞌat Eliasate. Sok ay yan ya yalik te jaꞌat jtul te antibo jꞌalwanejat yuꞌun Dios te chaꞌkuxem tale —xchiik.

San Lucas 1:17

Te Juane ya me xnalaj ta yalel skꞌoplal te Kajwaltike. Jich me yoꞌtan te tutꞌil te jꞌElias te antibo jꞌalwaneje, y pajal me yaꞌtel sok. Ya me yakꞌ jelonuk xkuxlejalik te meꞌil-tatiletike sok te yuntikilike, sok ya me yaꞌbe snopik xchꞌuunel mantal te jkꞌaxintayej-mantaliletike. Jich me chapalix yoꞌtanik a te jtejklume te ya smaliyik a te Kajwaltike —xchi te chꞌul ángele.

San Lucas 9:29

Yipal ta skꞌoponel Dios a te Jesuse yanej te site. Te skꞌuꞌ-spakꞌe xlemet bael te sakile.

San Lucas 9:31

Joybil ta stsaꞌamul xojob. Yipalik ta yaꞌbiyanel te tutꞌil ya xkꞌax swokol ta lajel te ba Jerusalen te Jesuse.