San Lucas 9:3 - Nuevo Testamento Tzeltal de Amatenango

³ La yaltalanbe: —Ma me tut xꞌawichꞌik bael ta beel, ni anabateꞌik, ni amoralik, ni awotik, ni atakꞌinik, ni ajel-kꞌuꞌ-pakꞌik.

Bible in Tzeltal Bachajón

³ Hich la yalbe: Ma me ayuc bintic xawich'ic bahel ta be: anahbate', chojac', we'elil o taq'uin, soc ma me xawich'ic cha'lihc anahtil-c'u'ic.

Bible in Tzeltal de Oxchuc y Tenejapa

³ Soc la yalbey yaiyic: —Ma me ayuc bila ya awich'ic bael, ni anabate'ic, ni achojaq'uic, ni awajic, ni ataq'uinic, soc ma me cha'lijc'uc ac'u'ic.

San Lucas 9:3 Referans Kwoze

San Lucas 22:35

Te Jesuse la sjojkꞌolambe te jnopojeletike: —Te kꞌalal la jtikonex te makꞌ ya awichꞌik bael amoralike sok te yawil atakꞌinike, ni te ajel-xanabike, ¿me ay palta la awaꞌiyik? —xchi. La yalik: —Maꞌyuk —xchiik.

2 Timoteo 2:4

Ni jtuluk soltaro te ay ta abatinel te jaꞌ ya xbajt ta yoꞌtan te tut ay ta pasel ta balmilale. Jaꞌ nax ya spas te tut lek yoꞌtan yuꞌun te kapitan yuꞌune.

San Lucas 12:22

Ta patil te Jesuse jicha yalbe te jnopojeletik yuꞌune: —Jaꞌ sluwar te ya kalbeyexe, ma me xꞌawakꞌ yajtal awoꞌtanik yuꞌun te tut ya xkuxuyinexe, ni te tut ya aweꞌike ni te akꞌuꞌ-apakꞌik te ya alapike.

San Lucas 3:11

La sjakꞌ te Juane: —Te machꞌa ay chaꞌlijk skꞌuꞌ-spakꞌe aꞌ yaꞌbe jlijkuk te machꞌa ni maꞌyuk yuꞌune. Jich euk te machꞌa ay tut ya sweꞌe ya skꞌan ya yaꞌbe te machꞌa maꞌyuk yuꞌune —xchi.

San Lucas 12:28

Yuꞌun teme Dios a yakꞌ te ben tsaꞌam te xnichimul te witse y ta pajel chijkꞌix ta yawil kꞌajkꞌ a, ¿me yuꞌun wan ma jichuk ya skꞌuꞌultesex te jaꞌexe? Genteex te ma xchꞌuun awoꞌtanike.

San Lucas 5:29

Patil la spas mukꞌul kꞌin ta skuenta te Jesuse. Jich a yikꞌ tal ta weꞌel ta sna bayal jkꞌan-tojemaletik sok yan genteetik te pajal nakajtik ta mesa sok te Jesuse.

San Marcos 6:7

La yikꞌ tal te lajchaytul jnopojeletik yuꞌune. Lijk stikon bael ta cheb cheb, sok la yaꞌbe spoder ta slokꞌesel te pukujetike.

San Lucas 9:4

Bayuk nail te ya xkꞌoexe, teꞌ xꞌanex a jaꞌ to teme lokꞌex bael te ba jtejklume.