San Lucas 9:28 - Nuevo Testamento Tzeltal de Amatenango

²⁸ Ayix wan waxkeꞌ kꞌaal a te jich a yal te Jesuse, mo bael ta wits yuꞌun ba skꞌopon Dios teꞌa. La yikꞌ bael te jPedroe, te Jacoboe, sok te Juane.

Bible in Tzeltal Bachajón

²⁸ Swaxaquebal c'ahc'al yalbel a te Jesús, la yic' bahel sjoquin te Pedro, Juan soc Jacobo, mo bahel ta wits ta sc'oponel Dios.

Bible in Tzeltal de Oxchuc y Tenejapa

²⁸ Ay niwan swaxaquebal c'aal yalbel a, te Jesús mo bael ta wits, yu'un ba sc'opon Dios tey a. La yic' bael te Pedro, te Jacobo soc te Juane.

San Lucas 9:28 Referans Kwoze

San Lucas 6:12

Jaꞌ skꞌaalel a te ba skꞌopon Dios ta wits te Jesuse; spꞌejel ajkꞌubal la skꞌopon Dios teꞌa.

San Lucas 9:18

Ay jun kaal te Jesuse ba skꞌopon Dios ta stukel nax. Sjoyinej te jnopojeletik yuꞌune. La sjojkꞌolambe: —¿Tut ya yal ya awaꞌiy te genteetike? ¿Machꞌa ya skuyikon a? —xchi.

San Lucas 8:51

Te kꞌalal kꞌot ta na te Jesuse, maꞌyuk machꞌa yikꞌ ochel, jaꞌ nax te jPedroe, sok te Jacoboe, sok te Juane, sok te smeꞌ-stat te achꞌixe.

San Marcos 6:46

Te kꞌalal laj yoꞌtan ta skꞌoponel te genteetike, te Jesuse ba skꞌopon jTatik Dios ta wits.

San Marcos 1:35

Ben sab, ijkꞌ to kꞌinal a, jajch te Jesuse y lokꞌ bael te ta jtejklum, yuꞌun ba skꞌopon Dios ta jun jochol kꞌinal.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.

2 Corintios 13:1

Jaꞌ to jaꞌ yoxmelal a te ya xtal kilexe. Spisil me ya xchajpay jilel, jaꞌ to ya skꞌan chapel teme ay cheb o oxeb testigoe.

San Lucas 3:21

Te kꞌalal yipal to ta yaꞌbeyel yichꞌ jaꞌ a te genteetik te Juane, tal skꞌan yichꞌ jaꞌ euk te Jesuse. Kalal yipal ta skꞌoponel Dios a te Jesuse, jam te chꞌulchane.

San Mateo 5:1

Te Jesuse la yil te bayal te genteetike. Mo bael ta wits, teꞌ kꞌo snajkan sba a. Jich te jnopojeletik yuꞌune tijilajik tal ta stojol.

San Mateo 14:23

Te kꞌalal lajix yoꞌtan ta skꞌoponel a te genteetike, mo bael ta wits, ba skꞌopon Dios ta stukel nax. Kꞌalal och te ajkꞌubale, stukel wolol te ba wits te Jesuse.

San Lucas 5:16

Pero te Jesuse la spit sba bael ta skꞌoponel Dios te ba jochol te luware.

San Juan 6:3

Jich te Jesuse mo bael ta jun wits y teꞌ kꞌo snajkan sba sok a te jnopojeletik yuꞌune.

2 Pedro 1:16

Te nojpesel te la kaꞌbetikex te tutꞌil ay spoder te ya xtal xan te Kajwaltik Jesucristoe, ma kꞌop abiyejuk nax te ya xloꞌlawane. Yuꞌun batsꞌi ta sitik a kiltik te Kajwaltik te lom mukꞌ ay slekilale.