San Lucas 9:24 - Nuevo Testamento Tzeltal de Amatenango

²⁴ Jich te machꞌa ya xkꞌuxutay sba sok te xkuxlejale ya me xchꞌay sok te xkuxlejale. Yan te machꞌa ya xchꞌay xkuxlejal, teme joꞌon ta jkaje, ya me xkol stukel.

Bible in Tzeltal Bachajón

²⁴ Como te mach'a ya sc'an ya scoltay te scuxlejal, ya me xch'ay; yan te mach'a ya xch'ay scuxlejal ta jcuenta, ha ya scoltay stuquel.

Bible in Tzeltal de Oxchuc y Tenejapa

²⁴ Melel te mach'a ya xc'uxtay sba soc te xcuxlejale, ch'ayel me ya xbajt' soc te xcuxlejale. Yan te mach'a ya yac' sba ta lajel soc xcuxlejal ta jwentae, ya me xcuxin stuquel.

San Lucas 9:24 Referans Kwoze

San Lucas 17:33

Te machꞌa ya sle tutꞌ ya xkol sok te xkuxlejale, ya me xchꞌay sok te xkuxlejale. Pero te machꞌa ya xchꞌay sok te xkuxlejale, jaꞌ me ya xkuxuyin stukel.

San Juan 12:25

Te machꞌa ya xkuxutay te xkuxlejale, ya me xchꞌay. Pero te machꞌa makꞌ xkuxutay xkuxlejal liꞌ ba balmilale, ya xkuxuyin sbajtel kꞌinal stukel.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Hebreos 11:35

Ay antstik te la yichꞌik chaꞌkusesel te machꞌatik ay yuꞌunike. Ay yax te laj chamik yuꞌun te tulan wokole, maꞌ skꞌanik te ya xjilik ta libree yuꞌun jaꞌ ya skꞌanik te ya xchaꞌkuxik te ba ay te lom tsaꞌamix kuxlejal ae.

San Mateo 10:39

Te machꞌa ya xkꞌuxutay sba sok te xkuxlejale, ya me xchꞌay sok te xkuxlejale. Yan te machꞌa ya xchꞌay xkꞌuxlejal teme joꞌon ta kaje, ya me xkuxuyin stukel.