San Lucas 9:11 - Nuevo Testamento Tzeltal de Amatenango

¹¹ Te kꞌalal la snaꞌbeyik sluwar te genteetike, jicha stsꞌakliyik bael. Te Jesuse la yikꞌ ta stojol, sok la yalbe yaꞌiyik te tutꞌil ay ta ajwalinel te Diose, sok la slekutes te machꞌatik ayik ta chamele.

Bible in Tzeltal Bachajón

¹¹ C'alal hich la ya'iyic te ants-winiquetic, la st'unic bahel. Te Jesús la yic'ticlan tal ta stojol, la yalbe sc'oblal te cuentahinel yu'un Dios soc la slecubteslan te mach'atic ayic ta chamel.

Bible in Tzeltal de Oxchuc y Tenejapa

¹¹ Te c'alal la sna'ic stojol te ants-winiquetique, la st'unic bael. Te Jesús la yic' ta stojol. La xcholbey yaiyic te bit'il ay ta ajwalinel te Diose, soc la slamantes te mach'atic ayic ta chamele.

San Lucas 9:11 Referans Kwoze

Hebreos 4:16

Jaꞌ yuꞌun junuk koꞌtantik tijilajukotik bael te ba ay snaktajib te Dios kuꞌuntik te lek skꞌanojotike, yuꞌun ya me yakꞌ xkꞌuxul yoꞌtan ta jtojoltik. Ta slekil yoꞌtan ya me skoltayotik te tut ora ya jkꞌantik koltayele.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Romanos 15:3

Porke jich te Cristoe ma jaꞌuk a sle te tut lek ya xꞌilot ta stukel naxe. Yuꞌun stukel a kꞌot ta skuenta te tut tsꞌibabil ta Sjun te Diose: “Te yutawik te machꞌatik la yutate joꞌon a kꞌot ta jkuenta”, xchi me.

Romanos 10:14

Pero, ¿tutꞌil kꞌan lokꞌuk ta stiꞌ teme ma xchꞌuunejuke? ¿Y tutꞌil kꞌan xchꞌuunik, teme maꞌyuk yaꞌiyejbe sluwar te skꞌope? ¿Y tutꞌil kꞌan yaꞌiyik, teme maꞌyuk machꞌa ya yal te skꞌop Diose?

Hechos 28:31

Jamal a yalbe yaꞌiy te tutꞌil ay ta ajwalinel te Diose, y la snojpeslan tut ay sluwar te Kajwaltik Jesucristoe. Maꞌyuk machꞌa komot yuꞌun.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Lucas 9:2

La stikonlan bael ta yalel te tutꞌil ay ta ajwalinel te Jtatik Diose, sok ta slekutesel jchameletik.

San Lucas 8:10

Altalanbot yuꞌun te Jesuse: —Te jaꞌexe Dios ya yaꞌbeyex anaꞌbeyik sluwaril te tutꞌil ay ta ajwalinel te ma xnaꞌbot sluwaril ta primeroe. Yan te yanetike, ya jkꞌopon ta seña-kꞌop, yuꞌun jayebuk ya yilik ta sitik ma snaꞌbeyik sluwaril, sok jayebuk buelta te ya xꞌaltalanbote, ma xkꞌot ta yoꞌtanik.

San Lucas 8:1

Ta patil te Jesuse been ta jtejklumetik sok ta kolonyaetik. Bayuk nax la yal kꞌael te lek achꞌ kꞌop yuꞌun te ya xlijkix ta mantal te Kajwaltik Diose. Sjoyinej ta beel te lajchaytul apostoletike.

San Lucas 5:31

Te Jesuse la sjakꞌtalanbe: —Te machꞌatik lek bujtsꞌan kꞌinal ya yaꞌiyik sok te stibalulike ma puersauk yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.

San Lucas 1:53

Te machꞌatik ayik ta wiꞌnale la snojesbeyix xchꞌujtꞌik ta lekil weꞌelil. Yan te machꞌatik jkꞌulejetike maꞌyukix tutiꞌ yaꞌbe bael ta skꞌab.

San Mateo 21:43

Jaꞌ yuꞌun ya kalbeyex te jaꞌexe, ya me spojbelex awaꞌtelik te ba ay ta mantal te Diose. Jaꞌ me ya xkꞌot ta skuenta te machꞌatik ya snaꞌik spasel te tut ya skꞌan yoꞌtan te Diose.

San Mateo 21:31

“¿Machꞌa ta xchebalik ya awaꞌi te la spasbe te tut la skꞌan yoꞌtan te state? —xchi te Jesuse. La sjakꞌik: —Jaꞌ te naile —xchiik. Te Jesuse la yal: —Jamal ya kalbeyex, te jkꞌan-tojemaletike sok te jmulawil-antstike ya me xnalajik ochel awuꞌunik te ba ay ta mantal te Diose.

San Mateo 14:14

Te kꞌalal ko ta barko te Jesuse la yil te bayal genteetik teꞌa. La snaꞌbey yoꞌolil sbaik. Jich a slekutes te jchameletik te yikꞌolanik kꞌale.

Romanos 10:17

Jich yuꞌun, te xchꞌuunel-oꞌtanile jaꞌ ya xtal a teme la kaꞌitike, y te tut ya kaꞌitike jaꞌ te skꞌoplal Cristoe.

San Mateo 12:15

Kꞌalal la yaꞌibe sluwaril te Jesuse, lok bael teꞌa. Bayal genteetik la stsꞌakliyik bael. Te Jesuse la slekutes spisil chameletik.

San Lucas 9:10

Te kꞌalal sujtik tal te apostoletike, jul yalbeyik te Jesuse te tuti spasike. Te Jesuse parte yikꞌtalan bael ta jochol luwar te tijil ay sok te jtejklum Betsaidae.

San Lucas 9:12

Te kꞌalal xmalubix kꞌaal aye, tijilajik tal te ba ay te Jesuse te lajchaytul jnopojeletike. Jich a yalik: —Tikonlanaix bael te genteetike yuꞌun aꞌ ba xkuxik, y aꞌ ba sleik tut ya sweꞌik te ba chꞌin kolonyaetike, y aꞌ ba smajanik na te ba tijil naxe. Yuꞌun te liꞌ ba ayotike, maꞌyuk na liye —xchiik.