San Lucas 8:7 - Nuevo Testamento Tzeltal de Amatenango

⁷ Sok aya kꞌot ta chꞌixtikil te tsꞌunubile. Pajal a chꞌij tal sok te chꞌixe y tenot yuꞌun.

Bible in Tzeltal Bachajón

⁷ Ay c'oht ta yohl ch'ixileltic, pero tenot yu'un te ch'ix te pajal ch'ihy soc.

Bible in Tzeltal de Oxchuc y Tenejapa

⁷ Soc ay c'ot ta bay ch'ixtiquil. Pajal ch'i soc te ch'ixe, soc laj ta tenel yu'un.

San Lucas 8:7 Referans Kwoze

San Lucas 8:14

Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

San Marcos 4:7

Te yan tsꞌunubile kꞌot ta chꞌixetik. Y chꞌi te chꞌixetike y la stenik te tsꞌunubile. Ma yakꞌ sit tsꞌiin.

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Mateo 13:7

Sok ay a kꞌot ta yolil chꞌixetik te tsꞌunubile. Chꞌi moel te chꞌixetike, la stenik te tsꞌunubile.

San Lucas 8:6

Sok aya kꞌot ta ba tontikil. Kꞌalal chꞌij tal te tsꞌunubile, ora takej yuꞌun takin te slumile.

San Lucas 8:8

Pero aya kꞌot ta lekil lum te tsꞌunubile. Chij tal, ben lek a yakꞌ yijkꞌats. Ay a yakꞌ sien ta jpꞌej te juju-pꞌej tsꞌunubile —xchi te Jesuse. Jich yipal ta yalel te Jesuse, y ben tulan a lijk yal xan: —Te machꞌa ay xchikin ta yaꞌiyel sluware, aꞌ me yaꞌibe lek sluwaril —xchi.